رائعه وجزاك الله الف خير
هلا من خط لي سطره وعنالي مكاتيبه
اهليبه عدد وبل هطل من يود سحابه
سلام الله على راعي المعزة ومعدن الطيبه
سلام لو خلط بالبحر صفى واحلو مشرابه
تشاكي الخوي غدر الحظوظ السود وصعيبه
تقول السعد دون الباب عني ناخت ركابه
ورب الكون ما ينساك من جملة مطاليبه
واقول الصبر مفتاح الفرج والخير بابوابه
اكيد ان الليالي اللي مضت ترجع لك بطيبه
لأن السيل يعود أثره ولو طول بمغيابه
ونجم الليل ما ظن يعود من ظهرت مشاهيبه
وهذه سنة الدنيا بن آدم بيض ثيابه
انا منسى رفيق الدرب وحسن اخلاقه وطيبه
واحزن يوم اشوف الدمع وقف ف عيون قرابه
سألتك ربي المولى خلقت العبد وتثيبه
بعطف منك تغفر له وتقبل بالرضا احسابه
ختام الجيل انهيته مثل ما كنت بادي به
اهلي بمن سطر نظمه ومن عنا لي كتابة