|
هلموا يأخواتي عندي سؤال
السلام عليكم ورحمة الله وبركاته
اخواتي اكيد هالايام كثرة الزيارة عن قبل وانا احب شي لقلبي القهوة مااستغني عنها يومياً مع الشوكولاه والموكا والتركي وغيرهم والقهوة العربية اول شي طبعاً من كثر مااسويها يسمونها قهوة المزاج ومايرجع شي اسوي في اليوم3 او2 او4 والحمدلله لكن عندي سؤال حابة اعرف اكثر عن البهارات ودي ببهارات جديدة اللي عندها مقادير للبهارات تضعها هنا لنستفيد من تجاربكم>>>طبعا ماقصد هيل وقرنفل وزعفران وجوزة الطيب هذي اعرفها وفيه غيرها لكن ممكن عندكم شي ماسمعت عنها : ) ولاابغى منقول ابغى من شغل ايدينكم وتجاربكم : ) |
رفع البنات يفيدونك
ما أحب اتعبث _على قولة أمي _ بالقهوة لازم على أصولها هيل قرنفل زعفران وبس ^_^ |
وعليكم السلآم ورحمة الله وبركاته أفئ عليك بس أنتي تامرين أمر عليك بحوائج القهوة القصيميه جربناها أقسم بالله تعطي طعم ولاأروع تحطينها مع الهيل أو مع أي شئ تحبينه وايضا تعطي لون للقهوة مشهي شبيهه بلون الزعفرآن .. طريقتها تضعين على حسب الرغبه منها وتجعلينها تغلي مع الهيل أو ماهو بديل الهيل من النانخه أو غيرها .. فقط وهذه هي صورتها مع التحيه .. http://im24.gulfup.com/2012-06-10/133934675491.jpg |
تسلم ايدك ياغالية على احلى اهداء يسلم راسك والله ومايامر عليك ظالم اشتريته وجربة روعه والله ودي اعرف مقاديره بصراحه>>الاخت موسوسه نظافه : ) ماتحط شي بفمها الا وهي عارفة وشومقاديره واعمله انا بيدي
بالرغم من اني تذوقته مع الهيل واعجبني لكن بطبيعة الحال موسوسة:p اعجبتني البطاقة حيييل شكراً لك خيتي بحجم الكون عزتي : ) مطيعه الكلمه ماتثنيها قهوه وحده ومعروفه وخلاص بالاغلب القهوه التقليدية نعملها للرجال اللي مانعرف ايش يفضلون شكراً خيتي |
الحمد لله أنها عجبتك المقادير يالغلأ على حسب أنتي ماتريدين مثلا أنا أحط ثلاث ملاعق بن وملعقتان قهوة القصيم والهيل ملعقة ونصف .. وهذا يكون على حسب ثلاجة القهوة .. مع التجربة والوقت راح تعرفين المقادير المناسبة لك .. |
يالغالية فاهمتك بس انا اقصد المكونات >>ودها تسوي بيدينها: )
|
أذا تقصدين مكونات نفس القهوة القصيميه والله هذه ماأعرفها .. أشتريها جاهزة وأستخدمها على طول .. أخذيها من سوبرماركت تكون بضاعتهم نظيفه وأكيد صحية عادي جدا لاتوسوسين خخخخ . |
هلابك أختي ملكة جيل التحدي طريقتي في القهوة اخلي البن والماء يغلي تقريبآ ربع ساعة اونصف ساعة على نار هادئه والبهار / هيل وقرنفل وزعفران وقليل من الزنجبيل وشويا قرفة وبس :) |
انا عن نفسي ما أهتم للقهوة كثير
ودي أفيدك خيتي لاكن أعذريني !!!!! |
هلا فيكم اخواتي فراشة اي هذي مجربتها والله تعجبني لكن كل واحد بلحاله لكن بخلطهم هالمره
الرزان لازم القهوة بيجي يوم وبتحبينها >>انا شخصياً ماكنت احبها لكن الحين مستحيل استغني عنها اللهم زد وبارك يالله اعطونا تجاربكم تصدقون نفسي اذا دخلنا المنتدى ندخل ببيوتنا >>>تدرون ليش ؟؟ عشان اتذوق قهوتكم وازوركم والله تسلمون يالغاليات ويالله نبغى زيادة اتحفونا بمالديكم ي أحبة |
وعليكم السلام ورحمة الله وبركاته
أختي الغاليه ملكة حياكِ الله وكل الأخوات دخلت أمس على الموضوع ومارضيت أشأرك قلت لما أتأكد عندنا نحن عدة انواع من القهوة وتختلف من مكان الى آخر ومع ذلك فهي لذيذة جميعها، بعضها نستخدمها يوميا وبعضها نستخدمها في المناسبات لأنها تحتاج الى خبرة يعني كبار السن يفعلوها انا بجيب لك قهوة أفعلها أنا وتعجبني والناس أذواق المقادير سمسم ، حب العزيز ، زنجبيل ، قليل هيل ، بُن ، حليب ، تمر الطريقه نحمر حب العزيز اذا لم يكن محمر ونضيف اليه السمسم في الأخير حتى يتحمر معاه بعدين نقوم بفرم حب العزيز نصف فرم وبعدين نسويها مثل اي قهوة ونتركها على نار هادئه حتى تنضج ****** في قهوة ثانيه لكنها بصراحه رووعه بمعنى الكلمه مقاديرها ياخذونها من عند صاحب البهارات نقول لها في صنعاء حب مغلي لو هي موجوده عندكم راح أعطيكِ الطريقه بعد ما أسأل لأني صراحه لا أعملها ومع ذلك أحبها أختي تعملها لنا تعالوا عندنا اليمن والله أكرمكم بما تريدون يعني بكل شيء سواء في الطبخ أو في القهوة أنتم ماعليكم غير شرفونا |
تسلمين أم الشهيد أتوقع قهوتكم نفس الجنوب عندنا لونها فاتح وبهارها يختلف
حنا بالشمال متشددين لازم نحمسها زين يعني لونها اغمق شوي والبهار هيل وزعفران وقرنفل اذا اضفتي شي خاصه الرجال مايتقبلوها خلاص بنجيك ونذوقها << ماصدقت خبر أحد يعزمها :) |
اقتباس:
وبعد القهوة أريد مندي لأن مندي اليمن طعم بمعنئ الكلمه لا يقاوم .. http://www.htoof.com/vb/images/smilies/149.gifhttp://www.htoof.com/vb/images/smilies/149.gif |
ياهلا ومرحب بالغوالي ( عزتي بديني - ونمار ) على العين والراس
باينور ربى صنعاء اليمن لوجودكم الغاليه نمار أنتِ تعالي وماعليكِ الا تأمري واللي ودك يجيكِ رعى الله الأحبة حيث حلّوا <> <> لهم في القلب مرتحل وحلُّ خيول الشوق مسرجةٌ إليهم <> <> تبارت حيثما ساروا وهلوا |
حياك الله يالغالية ام الشهيد ابشري بالزيارة >> : )
وطريقة قهوتكم غير بس واضح تزيد الوزن وبجربها يالغالية تسلمين يالغالية على الدعوة وعلى الطرح ماقصرتوا يابنات عساكم ذخر دوم |
| الساعة الآن 09:44 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir