شبكــة أنصــار آل محمــد - على شاطئ البحر بدأت ....!!!!

على شاطئ البحر بدأت هذه القصة القصيره
البسيطه في أحداثها والكبيره في معانيها

كان هناك صديقين حميمين
الأول اسمه ' عبد الله ' والثاني اسمه
' فهد '

كانا يتحادثان حول أمور كثيرة حتى رن هاتف عبد الله ...

عبد الله : (( ألوو .. هلا يا قمر .. وينج مابغينا نسمع صوتج الحلو .. ولهت عليج .. >>
حبيبتي انتي
الله يعينا لين تخلصين الاختبارات اللي حرمتنا منج ,, ها حبيبتي قعدتي من النوم ؟ كل هذا نوم الله يهديج ,, تلاقين شعرج منكوش وحالتج حاله .. من المغرب نايمه .. بالعافيه عليج .. شتحسين فيه ألحين ? إن شاء الله أحسن .. فديت قلبج ,.
المهم يالغاليه عطيتي العذر اللي جبتج اياه من الدكتورة للكليه عشان ما ينحسب لج غياب في الكليه ؟ ... حلو ... هلا تبين عشاء ؟ من هارديز والا من ماكدونالدز .. والا تبين بيتزا ؟
من عيوني ثواني وأكون عندج بس بحطه عند الباب وبرجع أطلع لأني ويا رفيجي .. الله معاج .. خلي بالج من نفسج ,,
فمان الله ))

فهد : اف اف كل هذا يطلع منك وأنا اللي أحسبك مؤدب طلعت تغازل بعد ?!! من متى تعرفها أشوووف العلاقة حلوه بينكم ?!!

عبد الله : قوم قوم لا نتأخر ع البنت جوعانه .. وبعدين أنا صديقك يا الدلخ تعرفني ما أحب هالسوالف والخرابيط ..

فهد : علينا ? طيب وين بيتها نوصل لها الأكل ؟

عبد الله : بيتها هو طريق بيتي والأصح أنه بيتي وغرفتها جنب غرفتي !!!

فهد : شلوووون يعني مافهمت ؟!!

عبد الله : يا أخي هذي إختي .. هي بنت وتحتاج كل الحب والحنان أعطيها .. وإلا أخليها تدوره عند الغريب ?

لو كل أخ عامل إخته كما يعامل عبد الله إخته ..

لو كل زوج يعامل زوجته كما يعامل عبد الله إخته ..

لو كل أب يعامل ابنته كما يفعل عبد الله ..

هل ستسكن بناتنا وأخواتنا وزوجاتنا في قلوب الغرباء ؟؟