خمس مهمه
 

قال من يارد على عد صافي الجمه
............. من عقب هاضت هجوسه برجم عالي
.
لا ندب شرد المعاني تجي ملتمه
............. ثم بنا بيته بشردن جزال جلالي
.
مبتدى معناه في رسم خمس مهمه
............. من غلاها ما رسمها لغير الغالي
.
اول المرسوم فالرجل صدقه ذمه
............. ولا يحمّل ذمته هرج قيل وقالي
.
ما تسره يوم يحشر بقبر يضمه
............. ساعة يشوف الخفايف عليه اثقالي
.
ثاني المرسوم فالرجل ضل وقمه
............. للخوي مرقا ومزبن وفي ضلالي
.
في القفا يحميه ما يقتفيه بنمه
............. وطيب راسه مايمدالخوي الا بحالي
.
وثالث المرسوم فالرجل قربن يمه
............. للقريب حق واجب على الرجالي
.
للقريب ريف ماهو صفاة صمه
.............لا يضلي رمح ابو شبار في الامثالي
.
ورابع المرسوم فالرجل هرجة فمه
............. واجب يوجب يزنها على المكيالي
.
لا يقول التالي اقرب وقام يخمه
.............امتساهل مادرى ان البلا في التالي
.
وخامس المرسوم فالرجل علمه تمه
............. من يتمم لازمه ما عليه اشكالي
.
والشكاله ما حكرها آدمي في كمه
.............والرجال افعال واقوال وايضاازوالي
.
وعقب هذا ياجبل هاب هايب زمه
............. ما حنا راسك وباسك عجاج طالي
.
ومن صدى صوت المغني بشعرن صمه
............. للصدى تسعين حنجور حين يلالي
.
يالصديق اللي تعنا بقولن لمه
............. يا عساه يطيب فالك بطيّب بفالي
.
لا فعلت اقول فعلي بكيفك سمه
.............واحمد الله يوم ذي سنة الابطالي
.
والذي دونه تخص الخبر وتعمه
.............نام عقب اسهر عيونك ليال طوالي
.
ذيب اشهب كل ليله يجيب مطمه
............. لين جر الراعي المنغبن ولوالي
.
ولا نعى ذبحت طريح الخلا كود امه
.............تتهم أهل الشام في ذبحته بالخالي
ومن طمع في فعل يعجز عنه بيذمه
.............لاجل يقنع نفسه اللي حداها الصالي

مشكور على المرور اخي واماء القصيده لشاعر فالح عائض الشلوي

مشكورين على المرور وجزاكم الله الف خير