عـزتي ياعـزتي للـي راسه مال مــــاش=لو يحصـل محاصيله تناتيـف القــــــــروش
الوظيفه إمحقى والمعاش عمره ماعــاش=قســطه لبنك الربا نصف راتبه امعــــروش
وإن بغى المخلاص رده بنكه ياواش ياواش=فايده والفايده في زياده يامغشــــــــوش
وإيجار شقة دفع وإن بقى أشوية خشاش=والخشاش إن خشها ينبشه نبشٍ عطــوش
بين بزران ومصاريفٍ تبغي الدفع كــاش=وخلف بابه ديانه تصور له كالــوحـــــوش
في ليله حلم الغني ومنصب أميــرٍ وباش=وانتهض في واقعه وانتفض كنه مخــروش
لاهو بالطائـي ولا بالبخيل أبو نبــــــاش=بس حظه خلف إخلاف وإن عطا يعطيه بوش
قال في نفسه تجاره نجــرب ونعتـــــاش=قام يبيع قراقيش سياره وبعض العفـــوش
شار من لا يستشار قال بورصه بإنتعاش=ساق مالـه وأنتظـر حلـم مالـه بالـرشــــوش
ضاع حلمه بأحمرٍ في ثواني كنه افـلاش=قالوا انحـدارٍ شـديـد صارت لكبار الكـــروش
قام يصفق باليدين يالربع مافيه إعـراش=قالوا تجاره ربحت أو خسرت أنت محشــوش
مالي يامالي يصيح راحت إفلوسي بلاش=قام يونون ثـم نــط ثـم وقــع لــه رعـــــوش
سكر وضغط وكمام والقلب يبغي إنعـاش=طايــحٍ في سريره شاب راســـه والرمــــوش
دنيا العنا تذل إرجال والمعزه للأدبــــاش=دنيا العنا لعن أبوش لعن أبوش ولعن أبــوش
ختمها قولة مجرب عارف وضعه وعاش=لو تجري جري الوحوش غير رزقك ماتحوش