شبكــة أنصــار آل محمــد - مصر ماتموتش يا ولاد احنا دمها

مصر ماتموتش يا ولاد احنا دمها

أجمل أغاني لمصر كتبتها

لأرض الكنانة لمصر كلها

بلد العروبة وعادت لأهلها

كان صُرصار صُغير جلادها

نده الديابة تاكل كتفها

تاكل وتنهش صدرها

داسوا ولادها واغتصبوا بنتها

ونسيوا يمكن ينفذ صبرها

وتنده احفادها يلتموا حولها

ومن عيونهم يشعشع صُبحها

مصر ماتموتش يا ولاد احنا دمها

واسمعها تحدث نفسها

ياه هي الحكاية كده بسيطة كلها

بكلمة (لا) قالوها شبابها

ردت الروح وأجمل أغاني سمعتها

(يا حبيبتي يا مصر)

يا أم الدنيا نردد كلنا اسمها