الأرض قفراء والسحب كـــذابه =ماللمطر فـــــوق الثراء ماريه

اما عجاج ماعرفنا اسبابه=والااضربتنا عــــاصفة شمسيه

مات الضمير وماتت الطلابه =وشالت كفنهم ثــــورة الحريه

والشرق الاوسط مغلقات ابوابه = محور نزاع الكوره الارضيه

يامحرك المدفع وراء الدبابه =ايران تمــــــــلك قنبله ذريه

وحنا على راس الجبل وهضابه =والغصن مال وطارت القمريه

درعا تنادي ياعرب منصابه =مـــــاكن فيكم رحمه وماويه

قامت تناهشني اسود الغابه =بشار شد الحبل فــي رجليه

انا تحت رجل الاسد وانيابه =الموت ياكلني ويشرب فيه

تكفى يابو متعب عليك حسابه =امــــر عليهم غارة جويه

خل السماء من اللهب شبابه =وتهتز منها يافه وتركيه

حدد مكانه وارجفه واذنابه =يطير منها فالسماء كرسيه

تضرب وتنسف راسه ومحرابه =واتبع بعــــــدها غارة بريه

اما تحت ضوء القمر يسرابه =والا تحت جنح الدجى سريه

الحر تدمي صيدته مخلابه =اصــدر قرارك وارسله برقيه