السلام عليكم ورحمة الله وبركاته



ربنا بيقولك :


(انْظُرْ كَيْفَ فَضَّلْنَا بَعْضَهُمْ عَلَى بَعْضٍ وَلَلْآخِرَةُ أَكْبَرُ دَرَجَاتٍ وَأَكْبَرُ تَفْضِيلًا)






ربنا جعل كل حاجه فى الدنيا درجات..


الجمال درجات..


الذكاء درجات..


المناصب درجات..


وكذلك الاخره..


الميزان درجات..


والمرور من على الصراط درجات..


والجنه درجات..!



الفرق بين الدرجه واللى بعدها زى الفرق بين السماء والارض..!!


تخيل ندمك هيبقى شكله ايه لو اتحرمت من انك


تبقى فى درجه اعلى فى الجنه علشان حسنه


ناقصاك او سيئة زياده بسبب معصية عملتها ومتبتش منها..؟؟؟



تخيل انك ممكن تتحرم من انك تشوف النبى ...؟؟


تخيل الاسوء من كده بمرااااااااااحل انك ممكن


تتحرم من رؤية وجه الله فى الجنه؟؟


وهو الجنه تبقى جنه من غير رؤية وجه الله عز وجل؟؟؟؟


علشان ايه كل ده ..؟؟!!!


علشان ايه يا جماعه؟؟!!





الناس لما عرفت ان فيه تعيين فى كلية الطب ل 50 الاوائل مثلا..


بقى الواحد يقعد 6 سنين يفحت فى نفسه ويذاكر


من 50 كتاب ومينمش ليالى ..كل ده علشان دنيا..


انما تقول الاخره..كله بيقول ربنا يهدينا..!


ربنا يصلح حالك وحلنا....



زى ما بنقول دايما..يا جماعه مش هيتساوى اللى


ذكر ربنا 100 مره مع اللى ذكر ربنا 101 مره..


محدش فينا بيزعل على نفسه مره لما يسمع ان


حد بيقيم الليل 4 ساعات مثلا ..؟


او حد بيختم القران كل اسبوع مثلا ..


او بيصوم يوم ويوم..


محدش بيقول ليه انا مكنش كدا..؟؟؟


محدش بيفتكر قول الله تعالى (وَفِي ذَلِكَ فَلْيَتَنَافَسِ الْمُتَنَافِسُونَ) ..؟؟


لا كتير منا بيزعل لما صحبى او جاره


بياخد اكتر منه فى العمل مثلا


او ابن جارى جاب اكتر من ابنى


او


طبعا الا من رحم الله منا


يا جماعه وانت قاعد عمال تضيع فى وقتك وتقول


انا عايز حاجه تقتل الفراغ اللى انا فيه..!


فيه واحد قاعد بيقرا قران..


وواحد بيدعوا الى الله..


وواحد بيتفقه فى الدين..


وواحد بيذكر ربنا و بيصلى على النبي -صلى الله عليه وسلم..


حسانتهم عماله تزيد وانت قاعد فى مكانك..!



شوف انته لما تكون عاوز تبنى بيت


وبيت على مستوى


الاول بتختار المكان


وتكلفه اساس


وغيره من الكمليات


ودهان ايه


وبعدين الفرش


وبعدين


وبعدين


كل ده علشان بيت بالدنيا


شوف ينصرف عليه قد ايه فلوس


عاوز بيت فى الجنه


قال رسول الله صلى الله عليه وسلم


من صلى في يوم ثنتي عشرة سجدة ، تطوعا ، بني له بيت في الجنة


الراوي: أم حبيبة رملة بنت أبي سفيان المحدث: مسلم - المصدر: صحيح مسلم - الصفحة أو الرقم: 728
خلاصة حكم المحدث: صحيح





كلنا عارفين اننا هنندم يوم القيامه على كل لحظه ضيعناها ..


والله لو وقع فى قلوبنا الاحساس بالاخره



وبأهمية الحسنه يوم القيامه ما كان حد فكر


انه يتفرج على فيلم او يسمع اغنيه او يرغى


فى الموبايل من غير لازمه او يدخل الشات


او ..او ....!!




واخيرا..



قال تعالى :


(هُمْ دَرَجَاتٌ عِنْدَ اللَّهِ وَاللَّهُ بَصِيرٌ بِمَا يَعْمَلُونَ)



يا ترى درجتك عند ربنا ايه ؟؟؟؟


http://goodwayinlife.com/forum/image...ies/entzar.gif


====
==
=




فكر مع نفسك وشوف


يا ترى درجتك ايه عند ربنا!!!!