شبكــة أنصــار آل محمــد - بخصوص القصة المنسوبة للشيخ..؟

السلام عليكم ورحمة الله وبركاته

شيخي الفاضل عادل ماصحة هذه القصة

تحذير مهم لمستخدمي الآيفون وخصوصا البنات

فيه برنامج اسمهwhoshere

بالعربي لتأكيد ((الهوزهير))

هذا اخطر برنامج موجود عـ الآيفون وظيفته هي شات طبعا هو مو شات بس لكن الهدف هو التجسس على الآيفون بالكامل من ارقام وحسابات وبيانات

والاخطر من كذا انه يقدر انه يشغل الكاميرا من دون محد يحس والتقاط الصور>>

وهذي قصه حاصله عند الشيخ عادل المقبل رئيس هيئة الفاروق

يقول الشيخ : قبل فترة اتصلت علي فتاة تبكي بحرقه تقول انها كانت تستخدم الآيفون من فتره وتعرفت على برنامج الهوزهير وصرت استخدم البرنامج واحيانا اصحى الصباح وهو شغال البرنامج ولا كنت اعرف مخاطره

و مرت الايام ودخل علي شخص يناديني بإسمي فاستغربت فقلت اكيد هذا يعرفني

فقلت له من معي قال مالك دخل ، فصار يعطيني معلومات عني وعن صديقاتي

ويعطيني وش كنت البس باليوم الفلاني ،

فاستغربت منه وشكيت بأحد اخواني

وخفت اقول لهم تكبر المشكله ،

(وبعد اسبوعين صار يرسل لي صوري

فجن جنوني منه وقمت بتذكيره بيوم الحساب ، لعله يخاف لكن ماعبَّرني

و الاخطر من هذا كله حدد وين مكان بيتنا عن طريق البرنامج

وقام يصور البيت ويرسله لي يقول لي يا تطلعين الحين او ارسلهم لاخوانك وهذي ارقامهم .... فوالله ياشيخ مالي الا الله ثم انت وحنا من عائله معروفه ومحافظه ..

يقول الشيخ اخذت وصف بيت البنت وقلت لها اتفقي تطلعين معه بشرط انه يمسح صورك عشان مايشك انه مراقب !؟

فاتفقت معه وجاء وطلعت معه وتمت مداهمتهم و مصادرة الجوال وتحويله الى هيئة التحقيق والادعاء العام

لكن المصيبه مو هنا ؟؟!!

المصيبه انه نشر صور البنت ولا هامه احد اتعظوا يابنات اتعظوا يابنات

والان تتم تتبع الصور حتى تحذف من الشبكه العنكبوتيه

بلغ من يهمك أمره واحتسب الاجر فيها اكيد فيه بنات غافلات ومانبي إلا ننصحهن بدل ماهن غافلات لاهيات الوحده نجحت واشترى لها ابوها ولا اخوها آيفون وهي مهي مصدقه ما نامت من يوم أشتروه لها.

(( هذا ما وردني والله أعلم )) .. ومو غريبة عـ الآيفون بعد ما اخذت جائزة أفضل جهاز تجسس عـ آيفون.

ياأخوان اللي معاهم جوال جالكسي

فيه برنامج اسمه MiuMeet عندكم شبيه بالهوزهير احذروا منه

وجزيت خير

فأجاب الشيخ عادل المقبل

هذه القصة لم أقف عليها و لم أروها ، و ليس هذا نفياً لخطورة التقنية إذا استخدمت الاستخدام الغير صحيح .

لكن كثير من الفتيات اللاتي وقعن ضحايا الابتزاز ، كان من أسباب وقوعهن اسرافهن في استخدام التقنية و الثقة العمياء في فضاء واسع و أسماء وهمية بل و للأسف يقع ضحية ذلك كثير من المتعلمات و من تحصل على درجات عالية في التعليم .

و هذا دليل أن الشيطان إذا نصب شراكه لا يعرف متعلم أو غير متعلم و إنما هي الفتن من تساهل فيها اوشك أن يقع

و نصيحتي للجميع باستغلال اوقاتهم فيما ينفعهم و الابتعاد عن كل ما من شأنه إيقاعهم في الفتن سواء الشباب او الفتيات

و الله تعالى أسال أن يحفظ أبنائنا و بناتنا من كل شر ومكروه .