ياشام لاتحسب ان العيد مشغلني=وشلون بسلا وانامدري عن اخواني
في ليلة العيد سال الدمع واحزني=اتذكر اللي نهار العيد حزناني
ياشام عن حالهم بالله خبرني=دامك تجيب الخبر ياشام عجلاني
اعلامنا منشغل بالمتش والفني=ماهمه الا تماثيل(ن) وفناني
قال الحقيقة خطيرة وش تبا مني=بين الروافض وكفار(ن) وعلماني
في سوريا ولعوها حرب للسني=نار(ن) حطبها نسا والزود ورعاني
واعراضنا دنسوها وانت تسألني=وأما المساجد تهدم فوق قرآني
وانتم تشوفون ماواحد سئل عني=مادامكم في رغيد العيش واماني
واعلامكم يرفع الاصوات ويغني=ماكن في سوريا نار(ن) ودخاني
لكن ربي كريم ولا يهملني=بيدينه النصر دون افلان وافلاني
بشار لاتحسب ان الحرب تجهلني=أنا ولد خالد الهيجا وسلماني
والله مايمنعك انس(ن) ولاجني=ان قالها الله يجي للدين دياني
من عاش منا قرير العين متهني=ومن مات منا الى روح(ن) وريحاني
القادسيه بنبعثها وتذكرني=الحرب حربي وانا الميدان ميداني
وأما انت ياصاحبي عيّد وراقبني=بعلمك درس في العزة والايماني
من بعدها قلت الا ياشام تقبرني=ورعك عطانا دروس العز بتقاني