شبكــة أنصــار آل محمــد - حـاول فـي دنيـاك تعمـل شــي لاخـرتـك *** مــا عـقـب طــول الاعـمـار الا مقـابـرهـا

السلام عليكم ورحمة الله وبركاته

ثــلاث تـتـجـر بـهــا مـاهــي مخـسـرتـك *** تـجــارةٍ مـــا تـخـيـّب ظــــن تـاجـرهــا
نـبـاك واسـمــك ورجـــوا الله مغـفـرتـك *** نـصــراً مـــن الله كــــان الله سـخّـرهــا
لا ترضي إعداك وتكسـب مـن تحاقرتـك *** ولا تزعـل أقـرب بنـي عمـك وتخسرهـا
ان ما حقـرت العـرب مـا هيـب حاقرتـك *** ولا يمكـن تـعـز شـانـك وانــت حاقـرهـا

وأقـدم علـى الطيـب مـا رجـلـك معثـرتـك *** واتـعـب عـلـى رفـقـة الطـيـب ودوّرهــا
ولا تـذخـر بوقفـتـك والـنــاس ذاخـرتــك *** ان كـان فيـهـا (مـغـز ابــره) لا تذخـرهـا
تـــرا ثـيــاب الـــرّدا مـاهـيـب سـاتـرتـك *** ونقـد الرياجـيـل يـوجـع وانــت خابـرهـا
لـو تطلـب الـنـاس مـنـك فــوق مقـدرتـك *** أمـــــا تــحـــزم لـــهـــا والا تــعــذّرهــا
ولا تعتـذر مـن رخـى ما هـيـب عـاذرتـك *** ولا تقـول مـا اقـدر عليهـا وانـت قادرهـا
لا تتبع إبليس شور إبليس مقبرتك *** لا تموت الأنفس قبـل تصحـى ضمايرهـا
حـاول فـي دنيـاك تعمـل شــي لاخـرتـك *** مــا عـقـب طــول الاعـمـار الا مقـابـرهـا

-----------

منقول