|
نداء لشعراء المنتدى الافاضل
بسم الله الرحمن الرحيم السلام عليكم و رحمة الله و بركاته صبحكم \ مساكم الله بالخير .. شخباركم عساكم طيبين و بسهاله .. عندي طلب لشعراء و فصحاء المنتدى ... حفل تخريج الكلية الملكية للشرطة يوم الاربعا بتاريخ 13 / 4 / 2011 ودي بقصيدة اهديها للبحرين و للفوج عامة و اخوي الاول على الجنائية والثالث في الترتيب العام خاصة .. كتاباتي الشخصية مستواها بسيط و على قدي و ماترقى لمثل هذي المناسبة .. و إن شاء الله شعراءنا ما يقصرون و لا يردوني و الشكر لهم موصول مقدما .. http://sub5.rofof.com/img3/04vtagh9.jpg |
|
بصرااحة ماالي في الشعر
بس المفرووض تحطينه في قسم الشعرااء ينقل لقسم وصال لشعر والقصص والأدب |
قسم الشعراء محد بيجوفه :( |
خخخ والله يا إختي ما أعرف أقول شعر ,, بس تبين ندور لج ؟؟
|
مبرووك مقدما لبوااسل البحرين
وإذا تبين شووري نسأل الحلوااجي |
اقتباس:
الله يبارك بإيمانج .. باااااااااااااذبحج :eek: يخسي و يهبى الله يهداج خلصوااااااا ؟؟؟ و الله لو ما يبقى على البسيطة الا هو من الشعراء .. ماخليه يكتب لي حرف |
اقتباس:
ايه سووي خير فحياتج و دوري .. |
أقول إنتي منتي كفو ,, يلا مناك بس
|
لاا الحلواجي يبوووق شعر قديم ويجمعه
ويزعم سوى قصيدة يقص فيهاا على الملك |
الى اخت الرجال
ابشري يا اخت الرجال وتبشر البحرين واهلها الطاهرين ويبشر ابو سلمان والشاهد الله انها من قلب محب للبحرين واهلها
دام عزك يالمنامه دام ابو ســــــلمان راعي=== وابشـــــــــــري برجال حرب ولا يهابون المنيه يا بلادي يا ضيا قلبي ويا يمّة شــــــــراعي==== لك رخصـــــــــــــت الروح فدوه للبلاد اليعربيه كلنا فدوة ترابك والوطــــــــــــن دونه سباع ِ==== يشربوا كاس المنايا ما يدانون الــــــــــرديه داري اللي لستوت للمجد تدفعها المساعي=== عانقتها الشمس واثر الشمس بالبحرين حيه وش يقول البدر لنه عانق اطراف الـــــرفاع ِ==== يشتكي يم المحــــرق من بهاها غاب ضيه يا حمـــــــــــــد والله يشهد حبنا لك بالضلاع ِ===== انت آمـــــــــر يا مليك الدوله الحره الابيه ذي شباب المملكه لبوا على الفور الدواعي====عاهدوك رجال حرب تفجــــــــرت بيهم حميه دون دار آل الخليفه حدهم ايمان واعي====== وانتهض درع الجزيره وانثنوا في كــــل هيّه جعل ربي يحفظ البحرين من سم الافاعي====ترتفل عـــــــــــــز الحياة بظل جزلين العطيه قلتها ما ني مـــــــــــدور حاجة الدنيا متاع ِ======كلمة والشاهد الله من مخاليج السجيه التوقيع ابن اخت معاويه( اردني من اصل اردني) |
اقتباس:
روووووووووووووعه صح الله لسآنك وعلا شآنك,,, تسلم يمينك |
صح لسااانك يا شااعر
( أبن أخت معاوية ) كلماات في قمة الروووعة |
اقتباس:
الله يبشرك بالجنة و نعيمها ... بيض الله ويهك يابن اخت معاوية ما قصرت .. الله يعطيك العافية و عسى قلبك سالم يالنشمي .. و أنعم و أكرم بك و بالأردن كل ابوها .... |
هذا اقل ما يمكن ان نقدمه للبحرين الغاليه والواجب ما يبي له شكر كلنا مع البحرين العربيه السنيه ومع قيادتها العربيه الاصيله ومع اهلها العرب الاقحاح
|
| الساعة الآن 06:09 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir