من طاح من عينك ومن فيه ماطاح ... ذي طيبك واليوم تدف ثمنها
حتى لو إنك كنت صاحي ولماح ... أصحاب كيف الحال ماخدن ضمنها
صفوا على جمر الحسد والعفن فاح ... ولمت عفون الخلق ريحة عفنها
يالله دخيلك كلها شالت رماح ... حتى الوغد قام يتخمش رسنها
مات الحيا والمرجلة دمها ساح ... كلن كشف عن سو نيتن دفنها
دامه زمن عقرب وحيه وتمساح ... خل الأسود تنام ماهو زمنها
قالولي إن طاح صويحة الصوت بصياح ... وأعزل حرام السالفة عن كفنها
قلت الخسارة عندي بالردي أرباح ... ومثلي يعليها متى ضمنها
ترسى جبال طويق لاهبت رياح ... وأنا من أول ماخذن الراي منها
أقولها وأنا مروق ومرتاح ... شل الله لسان العفون وبدنها