المنتدى :
بيت الشعـــر وأصنافـــه
اللي دعاني للسهر والكتابة
همً ترك فالصدر ضيق وكئابه
حنا عرب ولا بقاياعروبة..!؟
سؤال يبحث صاحبه عن إجابه
ماعاد به نخوه ولا به حميه
ولا عاد للعربان قدر ومهابه
الغرب يقتلنا ويضحك علينا
وحنا نتشدق به ونكرم جنابه
والدين صار اليوم رمزالتخلف
ورمز التطرف يازمان الغرابة
بغداد دار المجدوأرض الخلافة
من المغول اليوم صارت خرابه..ّ
راحت عقب صدام مثل اليتيمه
الله لها راحت عشا للذيابه
وقامت كلاب الفرس تنبح علينا
راح الزعيم اللي منول تهابه
في وقت ابو عداي كانت مهانه
واليوم تشعل فالخليج إظطرابه
والمسجد الأقصى المبارك يكمل
ستين عام عنالعروبة غيابه
واخواننا الأبطال نسمع صداهم
موت بسبيل الله يامرحبا به
يأمة الإسلام وين الشجاعة
السيف يبقى لامتى في جرابه!!؟
إلى متى والذل يغشى علينا!!
لابارك الله فيه واللي رضا به..ّ
وشلون ننسى مجدنا والملاحم
حنا هل التوحيد واهل الحرابه
تاريخنا يشهد لنا أو علينا!؟
المعذره يأجدادنا يالصحابة
حناعرب والا بقايا عروبة
لازلت حاير .. وأنتظر للإجابه..!
الشاعر / رامي الروقي
التعديل الأخير تم بواسطة وصـ شموّوّوّخ ــال ; 17-09-11 الساعة 05:07 AM
|