السلام عليكم ورحمة الله وبركاته
هذي قصيدتين قديمتين موجه لأخي الأصغر مني حمد
الأولى كنت زعلان عليه لسببٍ وجيه ولكني قلبت القصيده إلى نصح بدل العتب
والثانيه أرسلتها له عندما كان في ألمانيا مرافق مريض لأخي الكبير
وبعث إلي يشكرني لأمر ما ورديت عليه بالقصيده الأخيره
رحت منك ياحمد فكري يلجـــــــي = ياحمد فعلك ترى عكر مزاجــــــي
ضايعٍ فكرك وزاد النطق غجــــــي = ماتميز حلو ماها من هماجــــــــي
النصيحه بنصحك ماهي ترجـــــــي = والوقايه خيرها قبل العلاجــــــــي
الله الله طاعت الله المنجــــــــــي = طاعت الوالدين حفظلك وتاجــــــي
الصلاة أولى ولا عنها تسجــــــــي = الصيام فرضك وعند الله راجـــــــي
الزكاة أوصيك فرضك ثم حجــــــي = سنة التوحيد مافيها أعوجاجـــــــي
والدروب الضايعه عنها تهجـــــــي = خوت الخايب ترى خوت سماجــــــي
ياحمد درب المراجل لا تمجـــــــي = خوت الطيب ترى فعله يفاجـــــــي
والرجل ميزان فعل وصدق هرجـــــي = والمراجل عسرةٍ وفيها إنفراجــــــي
وختمها صلوا عدد خيلٍ وسرجــــــي = للنبي اللي على نهجه سراجــــــــي
_________________________________________
مني رساله واصله صوب جيــــــــرمــــن = عبر الفضا واصل بريـــــــــــــدي ورده
يامرحبا ترحيبة النجـــــــــــــــــــر لا دن = لخي حمد معرب الجـــــد عــــــــــــــده
عز الله إن القلب في شوفتـــك حــــــــــن = وصوتك لقلبي للمعاليق شــــــــــــــــــده
ياخوي أنا بنشدك طيبي على مـــــــــــــن = طيبي لأخي بــدى بــدى لا تعـــــــــــــده
وإن كان لي طيبٍ عليك مابها مـــــــــــن = وطيبك سبق واليوم طيبــــي يـــــــــــرده
تميتها ياخــــــــــــوي للي تمعـــــــــــــن = أخي عضيدي يــوم الأخــــــــــــوان رده