[جارة المصطفى]

المشاركة الأصلية كتبت بواسطة عبدالعزيز الحربي

الســــــلام عليكم ورحمــة الله وبركاتــــه ...

الضروف انواع والناس تحداها الضروف=لكن اللي نعرفه ماش شي بلا سبب
يدرك الاحداث واسبابها رجل معروف=بالركاده واللباقه وتلبية الطلب
في عيون العقل يبصر وبعيونه يشوف=مثل ماقالوا هل العرف حلاّل النشب
عادة الدنيا لها دربٍ اقشر ومعكوف=تتعب اللي للدروب العسيره ما حسب
كنّها بالمستوى والطبيعه والوصوف=رافضيٍٍّ يكذب ويحلف انّه ما كذب
غدرها ماينعرفله مسير ولا وقوف=مثل غدر الجامعه في مساكين العرب
توعد وتخلف وفيها الرجا قافيه خوف=زينها هو شينها والرضا فيها غضب
أخذها فرصه وخلّك على الفرصه شغوف=لا تفوتك فرصةٍ ماتقدّر بالذّهب
احسب حساب السبب لا تعذّر بالضروف=وانت عندك علم مافيه شيّ بلا سبب

.

وعليكم السلام ورحمة الله وبركاته
الشعر نبضات قلب .. لذلك نجدها صادقة عذبة تنبع من الداخل
تحس .. وتشعر .. بما يحيط بها .. فتزهر .. وتثمر .. كلمات وعبارات تعانق الواقع المحسوس والملموس
هذه هي كلماتكم .. ونبضاتكم التي ابدعتم في نثرها هنا .. شعرا