السلام عليكم ورحمة الله وبركاته ...
أقدم لكم قصيدتي التي شاركت بها في مسابقة (ديوان أم المؤمنين عائشة 
ا) , وقد حازت على مركز مشرّف ولله الحمد :
الاوله بسم الله الرحمن ربّ العالمين=خالق جميع الخلق ومدبّر جميع أرزاقها
والثانيه صلّوا على محمّد شفيع المسلمين=في حزّةٍ من هولها العالم تجفّ أرياقها
والثالثه روحي ومالي فدوة أمّ المومنين=اللي فضايلها على الأمّه وسيع نطاقها
بالله ياهل المعرفه والراي والعقل الرزين=وشلون أوضّح سيرةٍ يصعب علي سياقها
أعني بذلك سيرة أمّي وامّ كلّ المتّقين=السيره اللي في كتاب الله ثبت ميثاقها
ان جيت ابكتب عن مناقب عايشه يالغانمين=أحترت واحتار القلم والكتب هي واوراقها
هل أبتدي في منزلتها عند إمام المهتدين؟=والاّ ابتدي في علمها واعمالها واخلاقها
لكن ابذكر ما تيسّر والله الوالي يعين=وابيات شعري لو عصتني جبتها مستاقها
هي عايشه زوجة رسول الله توقّف يافطين=هذي فضيله تازن بحورٍ طوال اعماقها
زوجة نبي تكفي فما بالك بسيد المرسلين؟=فضيلةٍ مافيه فضلٍ بالفضايل فاقها
أضف إلى ذلك زيادة حبّها عند الأمين=على أمّهات المومنين وعدلها وانفاقها
وان قلت أبوها قلت لك صدّيق ومن السابقين=وذات النطاقين أختها وملقّبه بانطاقها
وزوداً على ذلك برآءتها من الأفك المبين=برآءةٍ من عالم النفس وخفيّ أعماقها
والخاتمه صلّوا على سيد البشر في كل حين=عدّ المزون اللي تلالا بالسماء برّاقها
.