13-03-12, 11:33 PM
|
المشاركة رقم: 1
|
| المعلومات |
| الكاتب: |
|
| اللقب: |
عضو |
| الرتبة |
|
| الصورة الرمزية |
|
|
| البيانات |
| التسجيل: |
Apr 2011 |
| العضوية: |
3146 |
| المشاركات: |
5,994 [+] |
| الجنس: |
انثى |
| المذهب: |
السنـــة |
| بمعدل : |
1.18 يوميا |
| اخر زياره : |
[+] |
| معدل التقييم: |
31 |
| نقاط التقييم: |
608 |
| الإتصالات |
| الحالة: |
|
| وسائل الإتصال: |
|
|
المنتدى :
بيت الشعـــر وأصنافـــه
قصيدة جميله للانسان يخاطب نفسة امتزجت بقليل من الحزن تاره وتاره بالحكمة وتاره معاتباً نفسه
ما راح من عمر التعب ما يكفّيك
ما هزتك طيحة هقاويك .. دونك؟
يا "باعث" قبور الحزن في محانيك
لو ما رجعت لْدفنها .. يدفنونك
هذا الحزن لو مانتهى بك بينهيك
خاوى تفاصيلك .. وعود بدونك !
شف شيبك اللي من همومك عثى فيك
وكيف التجاعيد عْبثت في جفونك !
جسمك تهاوى من عناك وتعنّيك
ونبرات صوتك غالبتها شجونك
لأْنك تنفست الشقا في مساريك
شف كيف صدرك مختنق من طعونك!
بعت المنام لعين من نام ناسيك
حتى غدى ليل السهارى زبونك
الناس في عونك ، إذا الحظ يعطيك
وان شح حظك قالوا: الله بعونك!
ارقى عن أسباب الزعل لا تخليك
عبد لهمومك كل ما يزعلونك !
دنياك حلوه .. لو تلفّت حواليك
تلقى من بعاد البشر ينصفونك
لو شفتها بعين الرضا هي تراضيك
ولو بالكدر ؟ ما خالفتك بظنونك
افرد جناحين الفرح فوق ماضيك
حلّق عن الذكرى ومن يجرحونك
غيّر من الواقع إذا كان عاصيك
جدد من الأحلام .. مارس جنونك!
ازرع فيافي الصدر بأخضر طواريك
الكون كله ساعة رضاك .. كونك
الليل تسهر مع نجومه .. تناجيك
وتبادر طيور الصباح بلحونك
بث الجمال بكل رسم لمعانيك
خلّ الطبيعه تاخذ احساس لونك
خذ من خطاك اللي يصحح خطاويك
لاتشيل ما لا تستطيعه متونك
وان ضقت أو ضاق الزمن ارفع ايديك
لك رب ما يخذْلك .. لو يخذلونك
|
|
|