هذه قصيدة بينت من خلالها موقفي من هذا الأمر أخاطبُ بها قبيلتي وجميع القبائل/
يا عيال العود وعيال الحمايل = بنصح ولا ني بجامل في النصيحه
شفتلي شيءٍ يحركله قبايل = يلعبون بلعبة ٍ صارت فضيحه
أشعلوها من أحمياكم فتايل = وأشتعل رقم ٍ يحركله شريحه
فكرة ٍ قامت على جمع الحصايل = السعي مقبوح والفكرة قبيحه
الأدب ماهوب فزعات وجمايل = والشعر مجروح والنخوة جريحه
أصبح العقال في الفتنة هبايل = هزهم طاروق والثاني بصيحه
عزنا بالدين ماهوب العوايل = راجع التاريخ وقرا في صحيحه
يالله التثبيت في يوم الهوايل = قلتها ناصح وقدمها نصيحه