الاولـــه بـســم الله الـرحـمــن ربّ العـالـمـيـن *** خالـق جميـع الخلـق ومدبّـر جمـيـع أرزاقـهـا
والثانيه صلّوا علـى محمّـد شفيـع المسلميـن *** فـي حـزّةٍ مـن هولـهـا العـالـم تـجـفّ أرياقـهـا
والثالثـه روحـي ومـالـي فــدوة أمّ المومنـيـن *** اللـي فضايلـهـا عـلـى الأمّــه وسـيـع نطاقـهـا
بالله ياهـل المعرفـه والـراي والعقـل الـرزيـن *** وشلـون أوضّـح سيـرةٍ يصعـب علـي سياقـهـا
أعـنـي بـذلـك سـيـرة أمّــي وامّ كــلّ المتّـقـيـن *** السـيـره الـلـي فــي كـتـاب الله ثـبـت ميثـاقـهـا
ان جيت ابكتب عن مناقـب عايشـه يالغانميـن *** أحترت واحتـار القلـم والكتـب هـي واوراقهـا
هل أبتـدي فـي منزلتهـا عنـد إمـام المهتديـن؟ *** والاّ ابتـدي فـي علمهـا واعمالـهـا واخلاقـهـا
لـكـن ابـذكـر مــا تيـسّـر والله الـوالــي يـعـيـن *** وابيـات شعـري لـو عصتنـي جبتهـا مستاقـهـا
هي عايشه زوجـة رسـول الله توقّـف يافطيـن *** هـذي فضيـلـه تــازن بـحـورٍ طــوال اعماقـهـا
زوجة نبي تكفـي فمـا بالـك بسيـد المرسليـن؟ *** فضـيـلـةٍ مـافـيـه فــضــلٍ بالـفـضـايـل فـاقـهــا
أضـف إلــى ذلــك زيــادة حبّـهـا عـنـد الأمـيـن *** عـلـى أمّـهـات المومنـيـن وعدلـهـا وانفاقـهـا
وان قلت أبوها قلت لك صدّيق ومن السابقين *** وذات النطـاقـيـن أخـتـهـا وملـقّـبـه بانـطـاقـهـا
وزوداً علـى ذلـك برآءتهـا مـن الأفـك المبيـن *** بــرآءةٍ مــن عـالـم النـفـس وخـفـيّ أعماقـهـا
والخاتمه صلّوا على سيد البشر في كـل حيـن *** عــدّ الـمـزون الـلـي تــلالا بالسـمـاء برّاقـهـا