حبيت اطرح لكم هالقصيدة للمبدع محمد بن فطيس المري .. مع حذف
بعض ابياتها احتراما لمقام و صال و رسالتها السامية ..
ملاحظة بسيطة عشان ماقعد اكررها في كل موضوع
انا لا اكتب ولا انقل الا اللي يرووق لي على الآخر و يدخل مزاجي ..
الضيقة اللي دايمٍ تالي عصير ..
.. وش حيلتي وأردها لا تجيني
لا طال ظل العود حزة عشى الطير ..
.. كنها على سجن الحديد تحديني
يضيق صدري كل ما جات وأسير ..
.. ولايخفف سوج رجلي حنيني
لا حولنا مشراف ولا اقدر اطير ..
.. يالله قسمة خير لا تبتليني
وعقارب الساعة توقف عن السير ..
.. ولا كن في الدوحة سواتي حزيني
والعبره اللي تاصل الحلق وتحير ..
.. يا قربها لو قيل لي يا عويني
أمل شوف الناس ورد ومصادير ..
.. واللي يقول اشفيك كنه يهجيني
يعني على ما قيل من باب تصوير ..
.. لاحدٍ أبي قربه ولا أحدٍ يبيني
أروح أدور خط مابه دواوير ..
.. وأدور اللي هادها تهتديني
وآخذ مع الهاجوس سجة وتفكير ..
.. وأراجع اللي فات بيني وبيني
وأحسب ذنوبي وأدور التكفير ..
.. عساي ما قصرت في والديني
وعساي ما قارنت من ينفخ الكير ..
.. واللي يحمل المسك جعله قريني
ويطري علي يوم الحشر وأطلب مجير ..
.. ما أعطى كتابي في شقيقة يميني
ويطري علي صدقان كثر الدنانير ..
.. اللي اتعاديني إلا كثر ديني
وراعي الهروج اللي سوات المناشير ..
.. أصد عنه وأدري انه يعنيني
الله حسيبه يوم عرض القواوير ..
..
والله حسبي من صواب مكيني
وإلا طرالي واحد كانه اصغير ..
.. أم أصغر بيومين ولا سنيني
دريت وش قومي وعينت تفسير ..
.. للضيقة اللي من زمن تعتليني
صبرٍ جميل وخابر إنه مقادير ..
.. والله على تخفيف حزني عويني
ذي حالتي لين اتغبا الشمس واصير ..
.. معطى سراحي عقب مانا سجيني
واذا امتلى جوف الشجر بالعصافير ..
.. طلبت من رب العباد يهديني
يعتقني المذن عقب ضيقة عصير ..
.. اللي على سجن الفراق اتحديني