حناالخليج أهل الكرم والمروات
وحناهل المعروف والطيب حنا
حناهل التاريخ واهل البطولات
لو تنشد التاريخ يخبرك عنا
من الرياض الى قطر والامارات
ومن الكويت الى المنامه وطنا
ولسلطنة قابوس راع المهمات
السادسه من دونها ماكملنا
شعب
الخليج اخوان ماهي روايات
نسمع بها من يوم حنا خلقنا
متوحدين ولانعرف الحزازات
مانفترق لو نختلف مع بعضنا
كلٍ يبي تفريقنا مير هيهات
لو كثرو العدوان منا ومنا
في ظل قادتنا نعيش المسرات
ومن طيب قادتنا بلا شك طبنا
ياهل
الخليج اليوم فالوقت ميلات
اخذو حذركم والعدا لاتغدرنا
توحدو ياشعبنا للملمات
اليوم كلٍ طامعٍ في رغدنا
شعر : هاجد السبيعي