بســــمـ الله الرحمن الرحيـــمـ
لو عشت كم بتعيش فوق الثمانين
من بعدها الديـان تقضيـه دينـه
الآدمي من طين و يعود في طيـن
امن العدم مخلوق نطفـه وجينـه
والآدمي مجموعة أيـام و سنيـن
لا من قضت يصبح بقبره رهينـه
رهينة أعماله و مـا قـدم يبيـن
في يوم ما ينفـع خديـن خدينـه
لا صاح صايحهم وجوا له ملبيـن
والدمع فايض والملامـح حزينـه
الموت ما يرحم ولا يعرف الليـن
لا حـل بأبـن آدم يبيـح كنينـه
و أهله يصيحون أفزعوا يالميامين
والكل حوله مرخصيـن الثمينـه
والموت يقطع في شليله بسكيـن
يقضي على آخر لحظة من سنينه
ثقل النفس و أتوسعت حدقت العين
ثم حشرجت روحه وثقلت ايدينـه
طويت صحايف عمره ولا له الحين
يكون مـا قـدم بزينـه و شينـه
ما ينفعه ماله ولو هـو ملاييـن
ولا ينفعه ربعـه ولا احـد يعينـه
ما ينفعه يا كون ما وافق الديـن
وما دونها حسره و غبن و غبينه
غبني على اللي مات ما قدم الزين
ويش العـذر فيمـا تقـدم يمينـه
,,ممآ رآق لي,,