دكتور ينقل من هـــل الشــر الأخبــار *** يا كثرهـم أهــل الفتـن و اللجاجــه
سموه .......... وهــو راس الأشــرار *** ياخذ من أهل الكفر جملة خراجــه
قليـــل ديــــــن ولا كرامـــه ومقـــدار *** شيمة هله روح بهـا فــي عجاجــه
ربعه رجال الطيــب والعـــز والكــار *** النخل يطلـع فـي ثمرهــا خماجـــه
أكيــــد انـــــه أول الوقـــــت بـقّـــــار *** وطبع البهايــم غيـرت لـه مزاجــه
يعمل مع أصحاب الجهالات سمســار *** قصده مع الفجار كســر الزجاجـــه
اسمــع يـا ......... ترانــا لنـــا ثــار *** نقطـع لسـان اللـي يجيـب العواجــه
حنا رجـال الديــن يـا مشعـــل النــار *** ناطــا علــى اللي مثلكم يا الخواجـه
ما تدري إنّا فــي الصعيبــات حظّــار *** بيدينـنا طــب المريـــض وعلاجــه
تبـي المـــره تســوق فـــي كـــل دوّار *** وتبي الفسـاد يعـــم وتوسع فجاجــه
يا الجاهل المغــرور يـا جالـب العــار *** مــــا أحـــد يقــدم للذيابـــه نعاجــه
ما تخاف ربك يا مال قصّاف الأعمار *** كــل الكــلام اللــي تجيبه سماجـــه
تفتـــي بفتـــوى نــاس للـديــن فجّــــار *** اجلس ببيتك ما طلب منك حاجـــه
حنـا بـــدار العـــز فــي دار الأخيـــار *** في دار ابو متعب وسيــع حجاجــه
آل السعــــود مطـوعـــه كـــل جبـــار *** حمّايـة الديــن الحنيــف وسراجـــه
اعطوك فرصه وانت لا زلــت غــدّار *** تسعى على أمــر خبيــث رواجـــه
الأُسد في الميـدان لا صـار مـا صــار *** تشوف فعل لا حصـل بــه مواجــه
نصيحـة منـي تــرى أعمارنــا قصـار *** لا تشيل لك ذنب صعيـب انفراجــه
شعر\ عبدالرحمن بن ناصر العبيكان