[خـالد]

السلام عليكم

قبل كم سنة كان فيه عامل جديد بمحطة بنزين , المهم كنت دايم اجي اعبي بنزين من عنده

وادردش معه

مرة قال لي انه مب مسلم , فقلت بيني وبين نفسي لابد يعتنق الإسلام على يدي

ورحت لمكتب توعية الجاليات وقلت ابي كتب إسلامية وعطوني جزاهم الله خير

جيت لمه وعطيته لكن ما اعجبه الوضع وقال انا ماعرف اقراء اللغه هذي

لأن ديرتهم اللي هو جاي منها فيها كم لغة

رجعت مرة ثانية لمكتب الجاليات وقلت عطوني كل اللغات , ماقصروا معي

جيت لمه وعطيته لكن الرجال عيا يشووف الكتب وعيا يأخذهن

وللأسف انا عصبي ))بعد مشادات كلامية مادريت إلا وانا قاعد ادبغه عشان يأخذهن

انا ماقد قلت الموقف هذا لاحد ابد , لأني كنت ابي الأجر

بعد الموقف هذا عرفت ان اسلوبي ماينفع لهكذا امور