لاتنشدون القلب وشفيه منحاس=دامه يشوف الظلم يتعب اكيدي
الموت في درعا كرامه ونبراس=والأم تفرح قدّمت له شهيدي
والدم
سايل من ردى فعل الأنجاس=يامن سأل هاك الجواب المفيدي
حب البقاء في بعضهم صدّع الراس=لو يظهر المهزوز انه شديدي
واهل المذله تخنق شعوب وأنفاس=بشّار ضايق والمعمّر بليدي
وصالح يقاوم جاله اليوم وسواس=عن حالهم مافيه شخص ٍ سعيدي
مخطط الإجرام لو طال ينداس=مصيود هايم لايظنّه يصيدي
لكن رعاية كافل الرزق للناس=يحمي عباده من طغى اللي يكيدي
الحرب دارت والبشر عانت الباس=وعلى المواطن كيف يصهر حديدي
ووضع العرب ياعالم اليوم محتاس=دام الرئيس اليوم يمشي يبيدي
وحنا العرب تجتاحنا موجة الياس=والظلم نقمه والبلاوي تزيدي