ابيات من ذهب ؟؟ وصح لسان راعيهاااااا

[وليد خالد الحربي]

ابيات من ذهب ؟؟ وصح لسان راعيهاااااا

السلام عليكم ورحمة الله وبركاته :




ياباغي العليا لها عشرة بنود
سجّل وأنا بملّيك واحفظ عددها


من شان مايلحقك عيبٍ ومنقود
احفظ وصاتي والوصاة اعتمدها


أوصّيك قبل الجسم يدب به الدود
في حفرتن لابد نسكن لحدها


دنيا العنا فيها مشاريب وعدود
وكم واحدن له حاجتن ماوجدها


عليك بالتقوى ترا العمـر محـدود
واردع هوى النفس الدنيـه وقدهـا



واحفظ صلاتك تكسب الرزق والفود
تكسب مكاسيـب الحيـاه وسعدهـا


وصوم رمضان وزك يالشامخ الطود
ترا البيـوت النايفـه مـن عمدهـا


وجالس هل التوحيد والعز والجـود
واتـرك مقاريـد العبـاد وقردهـا


الي على التفريق ياتونـك احشـود
فصيلتن دب الجهـل فـي جسدهـا


واحسن جوار الجار لو كان مقـرود
لـو جـار نفسـك لاتبيـن نكدهـا


والضيف عطه الطيب والطيب مردود
اكسـب جنـاب الطيبيـن وسندهـا


عقب الشحم والبـن قدملـه العـود
حيثك من الي مـن لفاهـا حمدهـا


وبنت الردي لو هي زلالن وقرهـود
حـذراك تقربهـا وتمسـك بيدهـا


خذ بنت قرمن عند الاجواد محمـود
لا جا نهار الهـوش بيـن ولدهـا


وزلة رفيقك لالفـت دون مقصـود
لاتمسـك الزلـه وهـو ماقصدهـا


ثـلاث مررهـا ولا شـك بشهـود
والرابعه شـب الحطـب لاوردهـا


هذي عشر وان كـان تبغينـي ازود
سجل على عشر الوصايـا وزدهـا


الظلم شين وتالـي الظلـم مـردود
والغيظ شيطـان القلـوب وكبدهـا


والصمت زينه والحكي سيف محدود
والحقـد غيمـه والتباغـظ بردهـا


فكر وميز واعرف البيض والسـود
واحذر قلوب الحاسديـن وحسدهـا


يابوك بين الناس طـارد ومطـرود
ماتجهلك بعـض الحـرار وهددهـا


وان ضامتك دنياك واصبحت مضهود
فاطلب من المولـى يحلـل اعقدهـا


الواحد الـي كلبينـا لـه اسجـود
الي جميع اعمـال خلقـه رصدهـا


هذي نصيحه وانت معطيني اوعـود
واهل الوفى والعرف توفي وعدهـا


قدمتها بالمسـك والطيـب والعـود
زرعتها لك زرع وانـت اتحصدهـا


حميتها مـن دون ملحـن وبـارود
خوفـن عليهـا المنتقـد ينتقدهـا


وختامها العليا لها اشـروط وبنـود
يالـي تبـا العليـا تمعـن وعدها
و. و. و و. و(((ا بيات من ذهب وحبيت انقلها لكم واذا فيه احد يعرف من قايلها ياليت يفيدنا ؟؟

الموضوع الأصلي: ابيات من ذهب ؟؟ وصح لسان راعيهاااااا || الكاتب: وليد خالد الحربي || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

hfdhj lk `if ?? ,wp gshk vhudihhhhhh

[أم ندى]

نقل موفق أخوي
بارك الله فيك وفي صاحب القصيدة
وجزاكم كل خير

[وليد خالد الحربي]

الله يكتب التوفيق والآجر للجميع

[أم الشهيد السلفية]

بارك الله فيك ووفقك لكل خير وبر

[ابن الطالبان]

ما شاء الله
قصيدة رائعة والله