مدونة طفولتي

[الفتى الأثري]

مدونة طفولتي

بسم الله الرحمن الرحيم

حياكم الله وبياكم مره اخرى في موضوع طفولتي

واحب اطرح بعض المواقف الظريفة والمضحكه , والتي لها جانب مرح ومسلي للتخفيف من ضغوط الحياة والاحزان والهموم ..

قصة الرجل الآلي ..

اذكر يوم كنت في سن 9 سنوات كنت اتكلم بس وايد خجول, واخاف اطلب شيء واحصل رد شديد وقاسي, ولهذا كنت صعب اطلب ..

فأذكر اني رحت الدكان وشفت رجل آلي عجبني وما رمت اشتريه, ومن كثر حبي للآلي جمت اوسوس اني مريض , وقلت بأبويه بطني يعورني, فخاف الوالد وزرنا مستشفيات دبي في كل مكان , وكل طبيب يقول : ما فيه شيء هههه

والوالد يستغرب ومتضايق وايد , مسكين حوطني من الصبح الين الليل , والوالدة مستغربه , فيوم رجعت البيت تم الوالد يفكر ويفكر وما شاء الله فيه نباهه ,

فقال لي : يوسف انت بطنك شو يبغي ؟

فقلت له : بطني يبغي الرجل الآلي الي في الدكان هههه ..

فضحك وضحك وضحك .. وقال للوالده : الله ياخذ إبليسه خلاني احوط كل هاي الحواطه علشان آالي , والله لو اعرف انه تبغيه كنت بشتري راحتي.

ويوم اشترى الرجل الآلي سألني الوالد وقال: الحينه بطنك يعورك ؟

فقلت : لا الحينه بخير , ولكن راسي يعورني .

فقال : شو يبغي راسك ؟

فقلت : أبغي بطارية للرجل الآلي هههه

فيوم اشترى الوالد البطارية تم يضحك عليه الله يرحمه ..

ملاحضة : لقد استخدمت اللغه العاميه في الموضوع للتعبير عن طفولتي بشكل مسلي , واذا صعب عليكم فهم بعض المصطلحات فسوف اتقيد باللغه الفصحى.

الموضوع الأصلي: مدونة طفولتي || الكاتب: الفتى الأثري || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

l],km 't,gjd

[عزتي بديني]

حلوة براءة الأطفال المشكلة أن كذباتنا مكشوفة لأهلنا وعارفين الهدف منها وحنا على بالنا أذكياء وأنهم صدقونا ^^

[الفتى الأثري]

المشاركة الأصلية كتبت بواسطة عزتي بديني

حلوة براءة الأطفال المشكلة أن كذباتنا مكشوفة لأهلنا وعارفين الهدف منها وحنا على بالنا أذكياء وأنهم صدقونا ^^

جزيتم خيدا علي المتابعة

جاري استكمال المدونه

[الفتى الأثري]

الرجل الاخضر


عدنا اليكم من جديد ونكمل عن طفولتي ..



أذكر يوم كنت في سن الإبتدائيه .. كان عندي صديق في فريجنا أمه من الجالية الاسيويه وأبوه مواطن متوفي .. وكانت الأم تحط لأبنائها افلام مرعبة ..


يوم واحد منهم يوصل البيت متأخر يا ويله .. كانت تخليهم يشوفون فلم هندي يخوف مال بوعبود . ودوم تخوفهم بالجن وغيره .. وكانت تدخلهم المزرعه المخيفه .. .. وشكل هاي المزرعه فضيع.. فيها شبك طوله تقريبا 60 متر .. وفيها أشجار شكلها فليل يزيغ .. تقوم وتربطهم في الشجره وتسكر عليهم باب المزرعه يوم يأذن المغرب ( بداية الرعب والخوف في وسط الظلام )


وكان ربيعي مراد أكثر واحد ينربط فيها ... .. لكثرة عصيان الأوامر .. ههههه .. وأحيانا ما تدخله البيت وتخليه في الخارج .. وساعات ما تخلي العيال يطلعون من البيت لفتره طوييله .. وأكثرهم تعقد من البنات والأولاد .. وأولهم مراد .. وكانت الأم تحببهم بدولتهم الاسيويه وتكرهم في الإمارات وما تبغيهم يتزوجون إماراتيين... وإخواني دوم يهزبوني لاني دوم مع اخونا مراد , لأن إنسان خيالي ... .. وأنا كنت معاه دوم لأن أهلي يعرفون أهله



وكان مراد أكبر عني بسنتين ... بس غبي وخيالي غير طبيعي .. ويألف أشياء وأنا دوم أصدقها .. من كثر ما يشوف الأفلام الاسيويه مع امه ... وطبعا عيال الفريج يكرهون مراد لأن مثل ما وصفته لكم ان انسان خيالي, ويحترمونه يوم يكون معاي لأن أخويه الكبير كان راعي مشاكل ...


عاده رحت مع مراد الدكان .. وشاف عيال الفريج .. وتموا يضحكون عليه ويطنزون , فحرج عليهم مراد وقال براويكم إلحينه بتحول الرجل الأخضر وبراويكم ...


فسار مرااد ورى السياره وأنا طبعا معاه ... وقالي إعصر على نفسك وقول : أممم إييييح إممم



وأنا البقره سويتها .. بس ما إستوى شيء ... قلت لمراد ليش ما إستوى شيء ... قال لي: ما عليك بعدين بيستوي ...



وطبع مراد من ورى السياره وأنا معاه وويهي متلون ...


قالوا : هااا يا مراد ما تحولت هههههههه


وتموا يطنزون عليه..
...


وأذكر إن كان يرسم خرايط من تفكيره ههههه ويقول : إهنيه كنز ومادري شوا وأنا أرسم خرايط معاه وأصدق إلي رسمته وأقنع نفسي أن في كنز هههههههههه
...


وكان يخرط على إخواني وهم ينقهرون منه ويقولن له إنت كذاب .. وهو مقتنع انه على حق ..


كان يقول : إن طلع في نص الليل وشاف 21 شخص راكب سيكله الأزرق ههههههههه .. وأخويه يغضب ويقول لي لا تطلع معاه ..
..


وطبعا يوم دخل الجيش هجر كل إلي يعرفهم وإستوى معقد أكثر ويشرد مني اذا أبغي أزوره ..


وبعد عشر سنين شفت واحد من إخوانه إسمه إبراهيم أصغر عني بثلاث سنين ..


شفته طالع من البيت ولابس لبس رياضي قدييم ابيض ايام التسعينات , وحاط شريطه على جبهته مثل الافلام الهنديه .. ولابس جوتي رياضي مثل رامبو ..


فسلمت عليه وقلت له : وين رايح فقال لي : رايح الستي سنتر


أنصدمت .. مسكين الريال توه تطور بس بها الشكل ..


والله مشفع عليهم مساكين ..

يتبع