إذا ما بقى بهالزمن ’ رجــال , حنـا رجاله

[الشاهين]

إذا ما بقى بهالزمن ’ رجــال , حنـا رجاله

إذا ما بقى بهالزمن ’ رجــال , حنـا رجاله

.لا تحسب الرجوله » عقال ومعجبات «
الرجوله لا قال المؤذن حي على الصلاه فز قلبك وقال الله أكبر!

إذا المراجل لبسة شماغ وعقال
قل للعذارى يلبسنّ العمايم

ما عاد يفرق زول حرمه ورجال
دام الفعايل تشبه البعض دايم

المرجلة * ما هي بـ.خشونة صوت أو رفع الأثقال
أو رزة صدور وفعل الزلايم

ولا هي بعد مفتاح موتر وجوال
وإلا ردى لسانن حديثه شتايم

***
المرجله
شيمه عن القيل والقال
رفيع نفس (ن) حر بالجو حايم

المرجله
عقلٍ وزنه وزن جبال
..ودون العقل
وش فرقنا والبهايم ؟؟

لـفـتـه :
اكيد ما أنكر وجود الرجال
بس
هذا الكلآم للي ما يستحق معنى المرجله
و الي حرام فيهم ذبح التمآآيم

: على فكرة

المرجله ماهي بـ كلمه وتنقال
وتروح ما راحت هبوب النسايم

***

و يـبـقـى .. الخير مــوجــود

منقول .

الموضوع الأصلي: إذا ما بقى بهالزمن ’ رجــال , حنـا رجاله || الكاتب: الشاهين || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

Y`h lh frn fihg.lk M v[JJhg < pkJh v[hgi

[ALSHAMIKH]

سبحان محصِ الناس جيل بعد جيل=وأرزاق خلقه بين... خلقه قسمها
وأرسل لهم فالكتب قرآن وإنجيل=وسيطر على كل الأمور وحكمها
ياللي تخيل الناس قلي وش إتخيل=الناس مولاها... يراقب ذممها
مانته معدلهم على الكيف تعديل=خل العظام كسارها في لحمها
ورفيقك اللي مايراعيك بالحيل=جرب حقيقة رفقته من عدمها
حده على بعض القصا والغرابيل=يبين لك منها قفاها وفمها
إن كانها رفقة مجامل وتمثيل=جرت بعيرٍ جاء الرشاش ودهمها
إعرف ترى مالك وراها محاصيل=وأبرك لك إنك طالعٍ من غسمها
ولاتستمع في تاجر القال والقيل=ناسٍ تبيع ب(سوق قالوا)ذممها
حساد والحساد دايم مغاليل=عين الحسد ماوفق الله سهمها
الحاسد النمام مقهور وخبيل=عقرب وضم تلدغ وتزبن وضمها
وراقب ولي الكون بالصبح والليل=اللي حصد روس الطغاه وصرمها
ترى الغرور أكبر مرض للرجاجيل=ليا حل بالنفس الشجيعه هزمها
لك موعظه في سورة العصر والفيل=أصدق من الأبيات ..واللي نظمها
وإجلس مع ثقاة الرجال الحلاحيل=جلسة حلاحيل الرجال إغتنمها
تلقى مجالسهم مزوح وتعاليل=وسوالف ماهيب يسمج طعمها
تاخذ بها حكمه وعرف ودواليل=ويبعد شقا روحك ويبرد نسمها
إرفع مقامك كنك الجدي وسهيل=وناس تبادلك إحترام إحترمها
المرجله تقسيم بين الرجاجيل=ماهي مطيه من شراها وسمها
هاذي مثايل شعر مثل القناديل=تجلا ظلام القلب للي فهمها
من هيض هاجوسٍ تدفق كما السيل=تجي له الأبيات لو ماعزمها

[الشاهين]

يحيا العزيز بعزته "شامخ" الراس *** والا الذليل يموت في عز ذله

بعض الرجال إلى من كنوز الألماس *** "شرواك" سيف في اللوازم نسلّه

------------

والله يا حجينا "الشامخ" مشاركتك أفضل من الموضوع كله

يا ليت بس تترتب الأبيات على روعتها .

يظهر لي التنسيق بطريقة تحتاج لتعديل .

--------

وصراحة : اشتقنا لأشعارك .

متى تفرج عن بعضها لهذا المنتدى ؟

وشكرا جزيلا لك .

[الشـــامـــــخ]

تم التعديل ...
واشكرك على تعليقك الطيب ياغالي
وإن شاء الله سننشر قريباً قصيدة تعرفها جيداً ذهبت مع الموقع القديم
فالجديد للأسف لا جديد يستحق النشر حالياً