قصيده في الملك عبدالله - والمراسيم الملكيه - (مسابقة شاعر الملك)

[فلاح بن عريج]

قصيده في الملك عبدالله - والمراسيم الملكيه - (مسابقة شاعر الملك)

السلام عليكم ورحمة الله وبركاته

تحيه طيبه وبعد - هذه مشاركتي في مسابقة شاعر الملك حيث أنني شارك

في المسابقه لدى لجنة المنطقه الشرقيه في مدينة الخبر - يوم الأربعاء واليكم

المشاركه متمنيآ ان ترتقي مشاركتي الى ذائقتكم ...

كتبت في تاج الفخر عدة أبيات= كتبت فيه اجمل حروف الجزاله
في مدح أبو متعب زعيم البطولات=اللي لحب الشعب ميل عقاله
اللي رفع شعبه بكل المجالات= وخلا جميع الشعب حسبة عياله
من غير قاصر في جميع الحكومات=لكن ملكنا بالمواقف لحاله
ريف الكهل ريف الكبار المسنات=ينفق على الأيتام من حر ماله
وطفلٍ يموت أبوه مايعتبر مات=مدام أبو متعب يظلل ظلاله
يصدر مراسيم العطاء والزيادات=شعبه يحبونه وكلٍ دعاله
مرسوم يصدر لجل رفع المعاشات=ومرسوم صدر لجل دعم البطاله
ومرسوم يصدر في جميع القطاعات=وبالترقيات الكل ياخذ مجاله
ومرسومصادر لجل دعم الإعاقات=ومرسوم دعم السعوده والعماله
ومرسوم رفع مساعدات الزواجات=يفرح بها من كان ميسور حاله
ومرسوم عفوه عن جميع الوفيات=وقصدين عفو الكل من ضاق باله
ومرسوم رفع القرض لاأهل العقارات=يفرح بها اللي فوقه الدين شاله
وشهرين راتب في عموم الوزارات=منحة مليك الطيب رمز الأصاله
دايم كفوفه بالعطايا نديات=يمناه تنفق قبل تدري شماله
هذا حبيب الشعب في كل الأوقات=يحكم بشرع الله وسيف العداله
يكفي وهو تجرى عليه الفحوصات=قلبه لحب الشعب زاد أنشغاله
وساعة وصل لاأرض الوطن والمسيرات=جت للمطار حشود في كل صاله
حتى اللقب عنه أعتذر فالقنوات=ملك أنسانيه وصاحب جلاله
ويالله لعل أيام عمره طويلات=وجعل السعد والخير دايم قباله

الموضوع الأصلي: قصيده في الملك عبدالله - والمراسيم الملكيه - (مسابقة شاعر الملك) || الكاتب: فلاح بن عريج || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

rwd]i td hglg; uf]hggi - ,hglvhsdl hglg;di (lshfrm ahuv hglg;)