|
|||||||
| بيت الصــــور يمنع مايخالف الشرع والذوق العام |
|
|
أدوات الموضوع | إبحث في الموضوع | انواع عرض الموضوع |
03-10-11, 04:44 AM
|
المشاركة رقم: 1 | ||||||||||||||||||||||||||||||||||||||||
|
المنتدى :
بيت الصــــور
بسم الله الرحمن الرحيم السلام عليكم ورحمة الله وبركاته الموضوع عبارة عن 35 صورة لروحتي يم العُلا ومدائن صالح وحبيت أتكلم بالتفصيل عن هالمشوار لأني حاولت أبحث بالنت قبل ما أسافر عن مدائن صالح مالقيت معلومات عن الطريق ومشاكله وعن العُلا والسكن فيها فهيا بنا يا رعاكم الله نفصفص هالروحة والي ماله خلق يروح للصور دايركت >> بالبداية مدائن صالح تقع شمال شرق العُلا ب15 كم تقريباً والعُلا تقع شمال المدينة المنورة ب380 كم والعُلا تقع غرب حائل ب225 كم  لكن الطريق نادراً ماتواجه فيه أي سيارات وميزة الطريق كثرة المناظر الجبلية الي توسع صدرك شوي   وأكثر ماكثر الله بهالخط البعارين قسم بالله شفتهن أكثر مما شفت السيارات  طبعاً البعارين هناك لها كامل الحرية بالتنقل يمين ويسار الخط وأنت لك كامل الحرية أنك تمسك الفرامل خصوصاً الأخ الي فوق بتل واقف على الزفلت وعلقت البوري عليه وتنازل أخيراً وجنب عن الخط فنصيحة لوجه الله حتى لو شفت الطريق فاضي من السيارات لاتاخذ راحتك بالسرعة لأن البعارين هناك بكثرة الطريق بشكل عام متعب ويفضل أن تسلكه نهاراً لأن مافيه أي تغطية أمنية طوال ال380 كم وصلت للعلا بحمد الله تقريبا الساعة 11 وكنت بحفظ الله ورعايته ماشي من المدينة الساعة 7 الخطة الي كنت ناويها إني أزور مدائن صالح وأرجع ثانية للمدينة لكن لظروفي الصحية ذيك الفترة فضلت إني أنام في العُلا وأنكس الصبح للمدينة العُلا فيها فندقين وبضع شقق مفروشة والديرة بشكل عام مساحتها تقريباً مثل البكيرية أو مثل حي المنار مثلاً في الرياض أخذت لي غرفة بفندق آراك العلا  طبعاً تجاوزاً نقدر نسميه فندق وإلا تصميمه دور واحد على شكل متوازي أضلاع تغديت وأخذت لي غفوة وقمت العصر على أساس أطلع لمدائن صالح لأن الزيارة هناك تقفل قبل ربع ساعة من صلاة المغرب قبل ما نتكلم عن مدائن صالح خلوني أتكلم لك عن طبيعة العُلا العُلا مدينة جبلية تحيط بها الجبال من ثلاث جهات لكن جبالها غير عن باقي الجبال , ولأول مرة أشوف جبال بالشكل هذا  الجبال تعرضت لعوامل تعرية واضحة وأخذت أشكال مختلفة عوامل التعرية هذي خلت عملية النقش أو الحفر على الجبال عملية سهلة مثل ماسوى أخونا جايز  نرجع لمدائن صالح هي مجموعة من الجبال الي اتخذها الأنباط أو ما يسمون بثمود أو قوم صالح مقابر لهم فيه مركز شرطة في بداية المدائن تعطيه بطاقة أحوالك والرخصة والإستمارة عشان يسجل أسمك بملف عنده  هذا مدخل المدائن وتلاحظون الطريق الترابي الي يمر فيك على بعض المقابر ! قسم بالله موتري شبع حصى   وخلوني أنقل لكم الصورة الكاملة الآثار هذي عبارة عن غرف مبنية داخل الجبال وفيها بعض القبور والعجيب أنك أول ماتدخل تحس بنسمة هواء باردة خصوصاً أن درجة الحرارة برا كانت في حدود 35 وتكرر معي هالأمر في كل مقبرة أدخلها أحس بنسمة هواء باردة   كل غرفة بابها له زخرفة معينة وغالباً كل الزخارف تتشابه ماعدا بعض التفاصيل الصغيرة   الزخرفة هذي تتكون من عموديين على الجنب ثم مثلث يعتليه مجسم لصقر أو نسر    وللأسف كل الصقور والنسور تم تمكيع رؤوسها تمكيعاً ويقال أن أهل العُلا كانوا بالسابق ببواريدهم يتقادون على هالروس؟؟! نرجع مرة ثانية للزخرفة  لو تلاحظون تحت الصقر فيه واحد شوشته ممعطة هذا يسمونه حارس المقبرة وفوق النسر فيه مربع منقوش عليه كما يقال أسم صاحب القبر أو أصحاب القبور  الآن نشوف صورة أحد الآبار الي كانوا يعتمدون عليها الأنباط  الغريب البير محفورة بأرض جبلية   داخل محيط مدائن صالح بالجزء الشمالي منها فيه سكة الحديد القديمة الي على وقت الدولة العثمانية بس خلونا ناخذ صور على الماشي للمدائن   منظر عام للمحطة  ولا زال داخل المحطة أحد المركبات    ومن هنا ينطلق القطار وما يرده إلا محطة القطارات الي تقع غرب المسجد النبوي  وهذا بركة ماء جنب المحطة  للإداره أحقية الحذف والتعديل لإن الموضوع منقوووووووول المصدر: شبكــة أنصــار آل محمــد l]hzk whgp >>w,v |
||||||||||||||||||||||||||||||||||||||||
|
|
||||||||||||||||||||||||||||||||||||||||
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
(مشاهدة الكل)
عدد الذين شاهدوا هذا الموضوع : 1 :
|
|
| ALSHAMIKH |
|
|
بنت طيبه 
.gif){kind=icon}
العرض الشجري