شــــــلة فكــــــــــر

[الشـــامـــــخ]

شــــــلة فكــــــــــر

أخواني وأخواتي في الله
السلام عليكم ورحمة الله وبركاته
أقدم لكم هذه القصيده وهي تتحدث عن نفسها
وأرجوا أن تعجبكم وتنال إستحسانكم

بسم الله أبدأ بسم ربي وأخطه=أول بيوتي بأسم رب الصراطي
سر ياقلم مادام قافي على طه=عسر القوافي ياقلم في اشتياطي
ياعلةٍ تمعط على القلب معطه=عله وعله والعلل فإختلاطــــــــي
لسان حالي ماش حيله وخطه=شلة فكر تنهش بجسمي تعاطي
(1)هذاك جدي صابت المخ جلطه=وصابني ضغطٍ لعلمه إختباطـــــي
لاهو يداري صحتله وضغطه=الفكر ميناء والمحاتات شاطـــــــي
ليته يروق ويجلي القلب شطه=يرتاح قلبي وجفن عيني يغاطـــي
(2)الثانيه راشد ووادي وخطه=ومصادمه للنقل والنقل خاطي
جاه الكسر ومضاعف الكسر مطه=في رحلة علاج عليها التباطي
النقل الجماعي للحوادث محطــه=ويارب شافه وأنت قادر وعاطــــــي
(3)والثالثه عمي تدهور بغلطـــــــه=وأصبح سجين الهم والغم حاطــي
ومن بعد سلطه راحت اليوم سلطه=بأسباب ضربه للسجيــن اللغاطــي
ضاع العمل واسنين خدمه بشرطه=عقده ياربي حلها والرباطـــــــــي
(4)والرابعه زادت على القلب فرطه=هذا دوامي وكل مافيه خاطـــــــــي
بعض البشر ودك تدوسه تلطه=يجرح وخيطه بالعذر مايخاطــــــي
من حسرتي حتى أصبعي قمت أقرطه=ديّن ونشامى فيه صبري وسياطي
(5)والخامسه تعجز بيوتي تخطه=أخاف ريح العلم للناس عاطي
أخاف رجلي في المهالك توطـه=وأصبح شماتة خلق روس ومواطي
بصبر على همي وهمي ألطه=حتى اتبين فيه وأسحب بساطـــــي
ومن بعدها ياجيب فكسار شنطه=اسموك سلفر يعجبك في النشاطــــي
في فزته فزة كريمٍ في نطــــــــه=يذب الوعر كله ويعبر شواطــــــي
تسعين زاده سبعةٍ زان خطـــــه=من مبدع اليابان صنع إنضباطـــي
أبغيك ياجيبي تدوس وتوطـــــه=لا وضعت فوق الحروف النقاطـي
بهاجر الديره وسلكٍ بشرطـــــه=وبهاجر إجروحٍ تفك الخياطــــــــي
وأيضا مفارق عقرب وسم رقطه=وزاده لسان الكذب وكثر الهياطــي
خذني بعد كشف الأمور المغطه=خذني بعيد الدار دون إشتراطــــــي
بس ياقلم عن زود قافي ومطه=ماهوب عجزٍ ألا أخاف المخاطــي
وصلاة ربي عد قافي على طه=على النبي وإعداد وزن وقراطــــي

1-توفي رحمة الله
2-شافاه الله بعد معاناة ثلاث سنوات وثماني عمليات جراحية
3-الحمد الله حلت العقده بفضل الله وقدم عمي على الإستقاله من السلك العسكري

4-قدم استقاله بعد سنه من السلك العسكري

5-لله الحمد تبينت الامر وزال الهم

الموضوع الأصلي: شــــــلة فكــــــــــر || الكاتب: الشـــامـــــخ || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

aJJJJJJgm t;JJJJJJJJJJv