لله يا شامنا درك علـــــــــــى باسـك=باسك كشف واقع الكذاب في باسه
خير البرايا مدح غرسك مـع ناسك=واوطى البرايا هجرك وراح مكناسه
عمود الاسلام بأرضك صار متماسك=يا طيبها أرض للتوحيد مغراسة
لك صولة الحق والإيمان إحساسك=والنصر تاليك تتهني بنوماسه
خلي النصيري يذوق المر من كاسك=ويعد من سطوتك يالشام أنفاسه
ون المجوسي وصاح بمعبده ناسك=وعض حاخام ابهامه بأضراسه
والبيت الأبيض غدى ما يمسكه ماسك=اهتز من صولة الأحرار بك ساسه
يا شام تاج البطولة مسكنه راسك=وتاج المذلة مكانه من حنى راسه
يا شام بشراك والأحرار حراسك=مالك ومال الذي الأنجاس حراسه
يا شام لو تشتكي طعنات جسَّاسك=مافي بلد ما شكى من غدر جسَّاسه
يا شام ما دام عز الدين هوجاسك=يا حي دار(ن) وعز الدين هوجاسه
يا شام بالدم خط المجد قرطاسك=وغيرك سطر من مداد الخمر قرطاسه
يا شام ما ينزع التاريخ كرَّاسك=إنتي الغنية وغيرك واضح افلاسه
يا شام خل العرب تتنفَّس أنفاسك=لعل بعض العرب يتحرك احساسه
يا شام عضي على هالمجد باضراسك=دوسي النصيري وحزب اللات وانجاسه
هذا زمانك وفيه يشع نبراسك=والدين يضوي بعد ما خف نبراسه
الله أكبر نشيدك وأجمل أعراسك= شهيد يرقى وغيرك يندب أحلاسه
11-11-12, 09:03 PM
(مشاهدة الكل)
عدد الذين شاهدوا هذا الموضوع : 0 :
سيد الكلمات 
العرض الشجري