حلى قدرة قادر(حلى بيتي )

[بنت طيبه]

حلى قدرة قادر(حلى بيتي )

قدرة قادر (حلى بيتي)

أولا أحط صورتها علشان تتشجعوا وتعملوها
صورة للتجوييييييييييييع

ندخل بأة في المقادير والطريقة خطوة خطوة

مقادير الكراميل

ثلثين كوب سكر

مقادير الكريمة

2بيضة
كوب لبن
نصف كوب سكر
كيس فانيليا

مقادير الكيكة

2بيضة
ثلاث اربع كوب زيت ذرة او عباد الشمس
ثلاث اربع كوب لبن
نصف كوب سكر
كوب دقيق
ربع كوب كاكاو
2ملعقة كبيرة بيكنج بودر

طريقة التحضير:-
اولا الكراميل

نحط تلتين كوب سكر في حلة على النار ونسيبهم لحد ما يبأة لونهم كده ...وخدوا بالكم أحسن يتحرق

ونصبهم في صينية متوسطة ونحرك الصينية لحد ما الكراميل يملاها كلها...بس خدوا بالكم لازم تمسكوا الصينية بحاجة علشان ما تلسعكو ...ونسيب السكر على جنب لحد ما يبرد خالص
ونبدأ نعمل في الكريمة

ثانيا الكريمة
نخلط 2بيضة مع كوب اللبن في الخلاط (بتاع الطماطم)

ثم نضيف السكر والفانيليا ويتم خلطهم فى الخلاط جيدا ويضاف على الكراميل السابق تحضيره

ثالثا الكيكة

نضع 2 بيضة مع ثلاث اربع كوب الزيت (يعني كوب إلا ربع) مع ثلاث اربع كوب اللبن ونصف كوب سكر فى الخلاط(برضه خلاط الطماطم)

ويوضع هذا الخليط فى طبق عميق ونقوم بنخل كوب دقيق وربع كوب كاكاو و2 ملعقة كبيرة بيكنج بودر على هذا الخليط

هنا حطيت الخليط في طبق عميق

وهنا أضفت عليه الدقيق والكاكاو والبيكنج بودر..أوعوا تنسوا البيكنج بودر

ويقلب بخفة بمعلقة بلاستيك أو خشب ...(قلبوه من تحت لفوق على شكل حرف 8)

ونصبه في الصينية اللي فيها الكراميل والكريمة وما تخافوش هما هيتفصلوا لوحدهم..أمال هما سموها قدرة قادر ليه؟؟؟؟؟؟؟

نحط الصينية ده اللي فيها الكراميل والكريمة والكيكة في صينية تانية أكبر منها فيها ماء مغلي بارتفاع 2 سنتيمتر تقريبا...

توضع فى درجة حرارة 190درجة وبتاخد ساعة

وده شكلها بعد ما طلعت

وبعد ما تخرج من الفرن نتركها ربع ساعه تهدأ ثم نضع على الصينيه طبق التقديم ونقلبها

بعدين غمضو عيونكم وشوفو
الحلم
اصبح
حقيقه

يارب تكون اعجبتكم لاتنسوني بالدعاء

الموضوع الأصلي: حلى قدرة قادر(حلى بيتي ) || الكاتب: بنت طيبه || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

pgn r]vm rh]v(pgn fdjd )