عين جالوت

[عبدالعزيز الحربي]

عين جالوت

الســــــــــلام عليكم ورحمة الله وبركاته




كل عامٍ وأنتم بخير , ومن العايدين




أقــدم لكم جــديـدي , عسى أن ينال إعجابكم , والمعذره على القصور :

محمود قطز بمعركة عين جالوت=نال الصداره واستحقّ البطوله
ماهي بطولة ثبّت ومرّر وشوت=هذي فـراغ وذيك ساس الرجوله
كسبان من حط المذلّه بتابوت=وخسران من شيّدلها برج حوله
يعني بمعنى صحّ: لايمكن تموت=الاّ إذا موتك تَحقّق وصوله
أقولها قدم الملا وارفع الصوت:=واللي يقوله كلّ قايل يقوله
يقطعك يارجلٍ يوجّه بريموت=لو هو عريب الساس وابن حموله
ياتابع الطاغوت غاوي وسربوت=خالفت شرع الله وسنّة رسوله
تقول مسلم وانت تخضع لطاغوت!!=هذا تناقض وانكسار وميوله
العزّ ماهو مسرح وكشخة بشوت=وملاسناتٍ بين دوله ودوله
العزّ والله معركة عين جالوت=لاصار بالميدان صوله وجوله
يوم الجبانه قِفّلت دونها بيوت=مافاد جنكيز المغولي مغوله

الموضوع الأصلي: عين جالوت || الكاتب: عبدالعزيز الحربي || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

udk [hg,j

[عبدالعزيز الحربي]

رحم الله محمود قطز

[أبوعمر]

صح السانك جزلة ومن جزل،،،

أخوي عبدالعزيز000 لوهو عريب الساس وابن الحمولة ،، جاية بلساني بأل التعريف سهلة 00

[عبدالعزيز الحربي]

صـــــــح بدنــك يابو عمــر


ومشكور على مرورك


ماتجي باللام
لأنها تكسر الوزن

و (ابن حموله) أفضل وزناً ومعنى

[أبوعمر]

يمكني غلطان 000لكن حاول تحدوبها؟! ماتجي إلا بأل التعريف00وعلى كل حال صح لسانك 00

[عبدالعزيز الحربي]

المشاركة الأصلية كتبت بواسطة أبوعمر

يمكني غلطان 000لكن حاول تحدوبها؟! ماتجي إلا بأل التعريف00وعلى كل حال صح لسانك 00

مالك لوا يابو عمر


باللام تصير ثقيله



وشكراً على إهتمامك


وصح بدنك