الـــضــــيقـــــــــــة..

**من تمسك بسنتي** · 28-03-11, 12:12 AM

الـــضــــيقـــــــــــة..

بسم الله الرحمن الرحيم

السلام عليكم و رحمة الله و بركاته

بما أنني من عشاق الشعر و خصوصا شعر الحكمة ... الله يهديني و يصلح حالي

ادعو لي .. لآني ادري انهم يتبعهم الغاوون و انهم يقولون مالا يفعلون ..

حبيت اطرح لكم هالقصيدة للمبدع محمد بن فطيس المري .. مع حذف

بعض ابياتها احتراما لمقام و صال و رسالتها السامية ..

ملاحظة بسيطة عشان ماقعد اكررها في كل موضوع

انا لا اكتب ولا انقل الا اللي يرووق لي على الآخر و يدخل مزاجي ..

الضيقة اللي دايمٍ تالي عصير ..
.. وش حيلتي وأردها لا تجيني

لا طال ظل العود حزة عشى الطير ..
.. كنها على سجن الحديد تحديني

يضيق صدري كل ما جات وأسير ..
.. ولايخفف سوج رجلي حنيني

لا حولنا مشراف ولا اقدر اطير ..
.. يالله قسمة خير لا تبتليني

وعقارب الساعة توقف عن السير ..
.. ولا كن في الدوحة سواتي حزيني

والعبره اللي تاصل الحلق وتحير ..
.. يا قربها لو قيل لي يا عويني

أمل شوف الناس ورد ومصادير ..
.. واللي يقول اشفيك كنه يهجيني

يعني على ما قيل من باب تصوير ..
.. لاحدٍ أبي قربه ولا أحدٍ يبيني

أروح أدور خط مابه دواوير ..
.. وأدور اللي هادها تهتديني

وآخذ مع الهاجوس سجة وتفكير ..
.. وأراجع اللي فات بيني وبيني

وأحسب ذنوبي وأدور التكفير ..
.. عساي ما قصرت في والديني

وعساي ما قارنت من ينفخ الكير ..
.. واللي يحمل المسك جعله قريني

ويطري علي يوم الحشر وأطلب مجير ..
.. ما أعطى كتابي في شقيقة يميني

ويطري علي صدقان كثر الدنانير ..
.. اللي اتعاديني إلا كثر ديني

وراعي الهروج اللي سوات المناشير ..
.. أصد عنه وأدري انه يعنيني

الله حسيبه يوم عرض القواوير ..
..

والله حسبي من صواب مكيني

وإلا طرالي واحد كانه اصغير ..

.. أم أصغر بيومين ولا سنيني

دريت وش قومي وعينت تفسير ..

.. للضيقة اللي من زمن تعتليني

صبرٍ جميل وخابر إنه مقادير ..

.. والله على تخفيف حزني عويني

ذي حالتي لين اتغبا الشمس واصير ..

.. معطى سراحي عقب مانا سجيني

واذا امتلى جوف الشجر بالعصافير ..

.. طلبت من رب العباد يهديني

يعتقني المذن عقب ضيقة عصير ..

.. اللي على سجن الفراق اتحديني

الموضوع الأصلي: الـــضــــيقـــــــــــة.. || الكاتب: من تمسك بسنتي || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

hgJJJqJJJJdrJJJJJJJJJJJm>>

**عماد الجراح** · 28-03-11, 12:22 AM

خيتي من تمسك بسنتي

السلام عليكم ورحمة الله وبركاته
وربي يبعد عنا وعنج وعن كل مسلم الضيقة خيتي
وأنا بعد من محبي الشعر :

وخصوصا لحامد زيد وبن فطيس

بارك الله فيج رائئئئئئئئئئئئئئئئئئئع

الف شكر على هذه المشاركة الرائعة

دائما مميزة كعادتج

**من تمسك بسنتي** · 28-03-11, 12:24 AM

اقتباس:

المشاركة الأصلية كتبت بواسطة عماد الجراح

خيتي من تمسك بسنتي

السلام عليكم ورحمة الله وبركاته

بارك الله فيج رائئئئئئئئئئئئئئئئئئئع

الف شكر على هذه المشاركة الرائعة

دائما مميزة كعادتج

عليكم السلام ورحمة الله و بركاته

بارك فينا و فيك ..

و الشكر لله ..

و شكرا على الإطراء ..

**من تمسك بسنتي** · 28-03-11, 12:25 AM

مادري شمشكلتها اعدلها و احورف فيها يمين و يسار مو راضية تعتدل ..

اهم شي واضحه للقراءة ..

و عاد سامحوني على ترتيبها العوي ..

**الرميزان** · 28-03-11, 12:48 AM

سلمتي أختي الغاالية
والله أكره شي عندي الشعرو الأدب
لكن غصب عني ..

**من تمسك بسنتي** · 28-03-11, 01:04 AM

اقتباس:

المشاركة الأصلية كتبت بواسطة الرميزان

سلمتي أختي الغاالية
والله أكره شي عندي الشعرو الأدب
لكن غصب عني ..

أفـاااااااااااا...

مو مشكلة اختي .. اهم شي انج مريتي ..

و الناس ذائقات ..

انا عن نفسي من عشاق الشعر ..

و فيه ناس مثلج ما يواطنونه ...

**ماني مثل غيري** · 29-03-11, 08:41 PM

اختيار راقي وموفق مما يدل على ذوقج الشعري الراقي:d,,,
لاهنتي,,

يقويج ربي

**من تمسك بسنتي** · 29-03-11, 11:44 PM

اقتباس:

المشاركة الأصلية كتبت بواسطة ماني مثل غيري

اختيار راقي وموفق مما يدل على ذوقج الشعري الراقي:d,,,

لاهنتي,,

يقويج ربي

الله يعز مقدارج ..

شكرا على الإطراء ..

هلا و مرحبا

**الداعية الصغيرهَـَ** · 29-03-11, 11:48 PM

بارك الله فيك ...

**من تمسك بسنتي** · 29-03-11, 11:53 PM

اقتباس:

المشاركة الأصلية كتبت بواسطة الداعية الصغيرهَـَ

بارك الله فيك ...

بارك فينا و فيج يا الغالية .. وحشتينا

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(مشاهدة الكل) عدد الذين شاهدوا هذا الموضوع : 0 :
لا يوجد أعضاء