تهمني معاناتهم

[بنت الديره]

تهمني معاناتهم

تهمني معاناتهم

للأسف هالموضوع يقطع قلبي
ويحز بخاطري إن يصير جذي

((موضوعي عن الخدامات))

البعض من الأهالي يعاملون الخدامات أسوأ معامله ومعامله بشعه صراحة
لسان ربة البيت ( أي ربة بيت خليها تربي نفسها بالأول !!) لسان ربة البيت مع الخدامه قذر تناديها بكلمات قليلة أدب مثلا إذا كانت سودا تناديها تعالي يالسودا روحي يالسودا جيبي هذا يالسويده (لا وتدلعها بعد يا سويده لوووول يختي هي مختاره لونها الله خلقها جذي بعد شتسوي)

ولا بعد إذا كانت قصيره ( يووووووه ما تسلم من المعايير كللللش ) تعالي يا مدربحه تعالي غزومه روحي نظفي غزومتي ( ههههه خووووش ربة بيت )

وربة البيت تذل الخدامه ذل ع الملابس اللي تشتريها لها تقول للخدامه أنا أكد ع عميان وأنا جبتلج ياللي ما تستاهلين وإنتي منتي كفووو وإنتي فيج وفيج ( يختي محد قالج جيبي لها إنتي ملقوووفه ) وربة البيت تذلها حتى ع الأكل وتقولها إحنا المفروض ما نوكلج كافي المعاش ( يا كبرها كبراه أي معاش يا خانوووم كلها ٥٠ دينار شتسوي ولا شتسوي دام الخدامه في بيتج ملزوم عليج تأكلينها غصبن عليج مو طيب منج )

ولا المصيبه حتى عيال حضرة المدام ربة البيت يسبون الخدامه ويتأمرون عليها بكل شي جيبي لي قلاص ماي وجيبي لي مدري شنو ( وأنا أقووول ليش جيلنا طلع كسووول ودلووووع عشان كل شي نحطه فوق راس الخدامه وما نتحرك أبدا) وياليت عاد تلاقي حسن معامله
تلاقي أسوأ معامله سب وشتم ومعاير

أنا صراحه شفت جدام عيني حريم يعاملن خدامتنهن بالطريقه هذه
يعني عييييب شنو هذا؟؟ يختي الخدامه بشرر ولها أحاسيس ومشاعر !!

والعيال الجهال يقوموم يكفخون الخدامه ولسانهم شطوله ع الخدامات ( والله عييب يعني تخيلي صغير يرد عليج والله ما أستحمل أقوم أكفخه وأنومه بالمستشفى لوووول) وتلاقين عمر الخدامه ٤٠ سنه والولد ٥ سنين ويقوم ويعاير الخدامه ( وليييييييه )

وأزيدكم من الشعر بيت حضرة المدام ربة البيت فيها إحساس وحب الدين تروح تعطي خدامتها كتب دينيه وتعطيها بدون نفس بعد ( لا والله من صجج يا مدام شوهتي صورة الإسلام أكيييد دامها حاقده عليج أكييد بتحقد ع الإسلام هالخدامه عبالها كل المسلمين جذي لا رحمه ولا شي )) والله ياويلج من الله باجر يوم القيامه توقف عند الله وتشتكيج ع اللي سويتيه فيها وتقول يارب هذه هي اللي شوهت صورة الإسلام وحرمتني من دخوله
ساعتها شنو بيكون موقفج يا خانوووم؟؟

ولا المصيبه الكبرى إن الخدامه المسكينه خنت حيلي تشتغل وتكرف ومدري شتخربط وآخر شي يوم جت تبي تاخذ معاشها بعض الحريم يماطلن ما يعطنها إلا الشهر الجاي (، بسس جذي عناااد فيها ))
وبعض الحريم تعطي خدامتها المعاش ( الراتب ) بدووون نفس ويالله وياالله تتحجى تقولها هاااااااج منتي كفوووو مخصومه منه ٥ دنانير ( يا وجه أستح هو فيه شي المعاش عشان تخصمين منه )
يابنت الناس اللي أعطاج هالفلوس الله سبحانه يقدر إنه يحرمج منه ويغني الخدامه بلمح البصر

رسالتي ألخصها عاملوا الخدامات بطيبه وحنيه وإبتسامه ترى كلللش ما تاخذ من وقتج شي وماراح تخسر شي
عشان تحب الإسلام وتدخله لا تكونين سبب في إعراضها عن الدين

وسلامتكم وصح لساني

الموضوع الأصلي: تهمني معاناتهم || الكاتب: بنت الديره || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

jilkd luhkhjil

[الرميزان]

موضوع جميل .."
الحمدلله ما عندنا خداامة.."
جزاااك الله كل الخير.."

[بنت الديره]

حياج الله خيتو الغاليه

[غنآتيے فيے سمو ذآتيے]

بارك الله فيك آختي بنت الديرة
وشكرا لك علي التنبيه الجميل
وهذا ظلم كبير علي الخدم
ويخشي عليهم من العواقب
ان كانت في الدنيا او في الاخره
ونسال الله السلامة
ودمتي برعاية الله
آختك
غنآتي