بلاد محمد المختار

[عبدالعزيز الحربي]

بلاد محمد المختار

السلام عليكم ورحمة الله وبركاته ...

سـلام الله علـى طيبـه بـلاد محـمـد المخـتـار=عسى وبـل الحيـا يركـي عليهـا ليـن يرويهـا
أنـا فيهـا افقـد همـوم الزمـان وكـثـرة الافـكـار=وانا لاقي عـلاج العيـن وعـلاج الحسـد فيهـا
أحـب ارض المدينـه واهلهـا اللي تكرم الزوّار=واحب قصورهـا وجبالهـا اللـي مـن حواليهـا
واحــب اول مساجـدهـا محـبـه مالـهـا معـيـار=ولااصبر عن حرمها اللي له الاقدام نحفيهـا
واحـب الروضـه اللـي قـال عنهـا سيّـد الابــرار=تـراهـا مــن ريــاض الـجـنّـه وهـــذا يكفّـيـهـا
عسى من حب طيبه مثل حبّي مايطـب النـار=عسى الفـردوس تفتحلـه مـن أولهـا لتاليهـا
والا ياضـلـع احــد بالله حدثـنـا وعـطـنـا اخـبــار=عن علومٍ مضت عندك خبرها مانـت غاويهـا
هنا حاجه على اسمك سمّيت ياطيب الاذكار=ترا من شافها ماهو مثل مـن سمـع طاريهـا
هنا حمزه كسر شوكة قريش وجيشها الجرار=وسجّـلّـه بـطـولـه عـجــزت الايـــام تمحـيـهـا
هنا طلحه وابـو طلحـه هنـا الصّدّيـق راع الغـار=هنا الفاروق صاحب سيـرةٍ ماحـدٍ يجاريهـا
هنـا عثمـان ابــن عـفّان تاريـخـه يـشـع انوار=هنا علي ابن ابي طالب سرايا القوم يثنيهـا
هنا سعد ابن ابي وقّاص نعم الفارس المغـوار=هـنـا ابــن عــوف وابــو ذر والـعــزه وطـاريـهـا
هنا مصعب واسيد ابن الحضير وجعفـر الطيّار=وابــن عــوّام لادارت رحـاهــا صـــار راعـيـهـا
هنـا كان اربعه يدعون (زيد) ومثلهم ماصار=رياجـيـلٍ فعايلـهـا تشـابـه مـثـل اسامـيـهـا
هنـا سلمـان راع الخنـدق اللـي عقّـد الكـفـار=هنا سيرة أسامه تعجب السامع وقاريهـا
هنا القعقاع والعبّاس وحذيفه حمـاة الجـار=هنـا عـدي منقـذ طـي مــن غـبّـة معاصيـهـا
هنا الرومي صهيب وسيّد الخزرج مـن الانصـار=هـنـا زعـيـم كــل الآوس وآمـرهــا وناهـيـهـا
هنـا النعمـان والخـدري كبـار الهـمّـه الاحــرار=هنـا المقـداد ناصـر سـنّـة محـمـد وحاميـهـا
هنا ابن الصامت وعمرو وفضالـه أفنـوا الاعمـار=هنا كعـب ابـن مالـك داحـر الفتنـه ومخزيهـا
هنا حاطب وابو موسى وابو بكره وكعب أحبار=وابـو أيـوب الانصـاري خصالـه صعـب نحصيهـا
هنـا خالـد وابـو هـريـره رجالٍ بالـلـزوم كـبـار=وابن مسعـود وقفاتـه مافيـه احدٍ يساميهـا
هنـا عبـدالله العبـاس لــه هيـبـه ولــه مـقـدار=هنا كعب ابن عجره والمعالـي كعـب راقيهـا
هنا السكـران ابـن عمـرو وبـلال وجابـر وعمّـار=وابـن شعبـه وابـو رافـع صحابـه مـن يوازيـهـا
هـنـا شـاعـر رســول الله لا مـــوذي ولا ثـرثــار=يقـول ابيـات شعـريّه وروح الـقـدس يوحيـهـا
هنـا ابـن آثــال والــداري تمـيـم معقّبين آثــار=هنـا حـرام ابـن ملحـان والحسنـات حاويـهـا
هنا جبيـر وابن الحضرمي للمقتدين شعار=هـنـا ثـوبـان مـولـى سـيّـد الامّــه ومهـديـهـا
هـنــا مـعــاذ وجليـبـيـب صدّوا هجمة الفجّار=هنا اخو حفصـه اللـي سنّـة المختـار يرويهـا
هنا ابن النظر والبجلي وسمره قدوة المحتـار=هنـا كـل الصحـابـه والصحابه من يساويها؟؟
سـلام الله علـى دار الشهامـه والوفا والكـار=مديـنـة سـيّـدي وانــا عــدوّ الـلـي يعـاديـهـا

.

الموضوع الأصلي: بلاد محمد المختار || الكاتب: عبدالعزيز الحربي || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

fgh] lpl] hglojhv

[دآنـة وصآل]

صح لسآنك أخوي عبدالعزيــــــــــز الحربي
قصيــــــــدة رآئعة
قلمك مميز فلآتدعه ووآصل بالكتآبه وربي يوفقك

[الحرة]

ماشاءالله أبيات رآئعه بحق طيبه الطيبه
والله ولي الفخر أنني من أهل المدينه
جزاكم الله الجنة وفردوسهاأخي وزادكم الله من فضله
ورفع الله قدركم

[عبدالعزيز الحربي]

المشاركة الأصلية كتبت بواسطة دآنـة وصآل

صح لسآنك أخوي عبدالعزيــــــــــز الحربي
قصيــــــــدة رآئعة
قلمك مميز فلآتدعه ووآصل بالكتآبه وربي يوفقك

صح بدنك اختي


مشكوره على مرورك الرائع


بارك الله فيـــــــــــك

[عبدالعزيز الحربي]

المشاركة الأصلية كتبت بواسطة الحرة

ماشاءالله أبيات رآئعه بحق طيبه الطيبه

والله ولي الفخر أنني من أهل المدينه
جزاكم الله الجنة وفردوسهاأخي وزادكم الله من فضله

ورفع الله قدركم

حياك الله اختي

والنعم بالمدينة واهلها


جزاك الله خير على الدعاء الطيّب

[محبة وصال]

غفرالله لكم ولوالديكم

[عبدالعزيز الحربي]

محبّة وصال جــزاك الله خـــير