الوصايا

**أبوعمر** · 11-02-12, 09:32 PM

عمر تراني مانسيت الوصايا = أحفظ من أبوك المجرب وصاياه


	تقوى الولي يابوك خير النوايا= ماينجي أمن العسر ياكود تــــقواه وراعي النميمة جنبه والحكايا= لا00لا تـــهقوابه ولا في حـكــاياه والصدق والشيمة ترها مزايا= والـــقرم طيـــبه فـــارق ٍ في مزاياه وصاحب صبي ٍ مايعرف الدنايا= وأبعــد عن اللي غارق ٍ في دناياه وكفخ كما حرن كفخ في العلايا= يــجلي أهمومه كفخته في أعـــلياه وللعلم وأهل العلم حث المطايا= يابوك درب العـــــزوالـــــخير تلقاه العلم يكسي عارين في العرايا= والجهل يعري كاسين من كــــساياه ونفسن طموحه ماغوتها الغوايا= عــبره لها اللي زلة النفس تهواه والمشكل اللي لا بدت له خطايا= يــــرجع ولاهــو بيـــتمنى خـطاياه والعيب ماهو في جزات الجزايا= العيب في اللي تجحد الطيب يمناه وصلوا على منه نصح للبرايا= أمحمد اللي فــاز من يتــبع أخـــطاه