النداء الأخير

**أبو العلاء** · 12-12-12, 01:42 AM

خلينا نرجع نلتم

ونتوقف عن سفك الدم

ونبدل بالفرح الغم

ونتخلص من كل الهم

===========

لاتفكرني منك خايف

وتعمل حالك مانك شايف

قصدي مشي الحال الواقف

ونتصالح مع خال وعم

===========

بيكفي هتك الأعراض

وتجويع ونشر الأمراض

ونهب وسرقة للأغراض

وأوعى تفكر هادا مغنم

===========

نحنا أحفاد الوليد

عن الحق مامنحيد

وهمتنا دايماً حديد

مابيقتلنا شرب السم

===========

هادا ندائي من القلب

إيد بإيد نكفي الدرب

ونرجع لقلوبنا الحب

ونمحي الحقد وننسى الظلم

===========

إذا قررت تجابهني

وبالصلحة مانك معني

قسماً باللي صانعني

على جرمك بدك تندم

===========

نحنا مامنهاب الموت

ومايرهبنا قوة صوت

نحنا منصنع روبوت

وصاروخ ساعة يلزم