أنشوده رائعه

[الحرة]

أنشوده رائعه

السلام عليكم ورحمة الله وبركاته أعجبتني جداا رائعه أتمنى تعجبكم

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي صاح وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّ وحشني !!

( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!

الموضوع الأصلي: أنشوده رائعه || الكاتب: الحرة || المصدر: شبكــة أنصــار آل محمــد

www.ansaaar.com

كلمات البحث

شبكــة أنصــار آل محمــد ,شبكــة أنصــار ,آل محمــد ,منتدى أنصــار

المصدر: شبكــة أنصــار آل محمــد

---

Hka,]i vhzui

[الحرة]

هذي الانشوده جداا رائعه أعجبتني أتمنى تعجبكم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

[البارقة]

فعلاً أنشودة أكثر من رااائعة
ما شاء الله دائماً مواضيعك مميزة
جزاكِ الله كل خير أخيه , ,

[الحرة]

جزاك الله خيراا غاليتي
ودائمااا مرورك مميز

[ماني مثل غيري]

سبحآآآن الله,,,ههههههههه
دشيت الموضووع وانآآ كنت قبلهآآ اسمع هالنشيده

,,دوووووم على لسآني هذي النشيده,,وآآيد تعجبني,,

تسلمين غاليتي ,,

[ام تسنيم]

يعطيك العافيه انشوده روعه
تسلمين يالغاليه

[خواطر موحدة]

إنتقاء رائع من أخت رائعة ..
شكرآ لك جزاك الله خيرآ كثيرآ ..

[أم عبد الرحمان الجزااائرية]

[الحرة]

بارك الله فيكن أخواتي وجزاكن الله خيراا
مروركن أسعدني أختي ماني مثل غيري حتى أنا الانشوده أسمعها
أغلب الاحيان أعجبتني

[درر الشهد]

يسلمو وربي يحفظك ووفقك لحبه ورضاه
حزينه انشوده

[الحرة]

جزاك الله خيرا غاليتي على
مرورك العطر

[سكون الورد]

آلله يجزآآآك خير
,ويجعلة في موآآزين حسنآآتك

[جارة المصطفى]

ماشاء الله تبارك الله انشودة رااااااااااااااااااااااائعة
انتقاء موفق ذوق جميل من صاحبت الذوق
جزاك الله خيرا وبارك فيك

[الأسيف]

جزاك الله خيرا

[حروف وكلمات]

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني




ماشاء الله رائعه ؟أختي الانشوده جزاك الجنه