وقم بالفروض الخمس لاهنت يابوووووك <>

**وليد خالد الحربي** · 19-08-12, 02:40 PM

من اجمل مااااقرات /// اسعود دوك الشيب في عارضي دوك = في عارضي يابوك جاله رموعيي

ياسعود بوصيك بالربع --- لا جوك = متنحرينك خابرينك ---- اطبوعي

احذر يجون الباب ياسعود مصكوك = ويعودون وكل منهم --- اقنوعي

خلك لهم فيما يقولون --- مملوك = ياسعود خلك بالمهمات --- طوعي

ماسد حاجتهم من المال --- مبروك = ولا شح في ماله --- قليل النفوعي

ياسعود لاحبيت ربعك ---- وحبوك = لاخير في حب تعدا ---- الربوعي

لايلحقك في بر من حولك اشكوك = بالوصل واصل لاتسما ---- قطوعي

وقم بالفروض الخمس لاهنت يابوك = وزدهن بعشر والخلايق اهجوعي

لاطال ليل امقزر الوقت ---- بضحوك =انهض وناج اللي لحسك سموعي

وحذر من الدنيا تراها لها ----- صوك = يوماً فرح واليوم الآخر ---- تروعي

كلاً بها ماشي غناوي ---- وصعلوك = دام البنادم حي مامات --- جوعي

احفظ وصاتيلك وعلمبها اخوك = ترقا بها ياسعود عال ------ الفروعي

***************

**للشاعر الكبير/عبدالهادي بن راجس - رحمه الله*