مروّجين العولمة

**عبدالعزيز الحربي** · 13-02-13, 02:55 AM

الســــــــــلام عليكم ورحمة الله وبركاته

يامدرّس التعبير عبّر عن الشام=ملّيت من موضوع شبه الجزيره
ابحث مع الطلاّب تحقيق الاحلام=النصر حلم وسيرة الشام سيره
احوالنا ياستاذ في تال الايام=ما بين تقصير وجهاله وحيره
كثير منّا يحسب الواقع اوهام=ويسمّي اوهامه حقايق مثيره!
حتّى اليهود اللي تربّص بالاسلام=ماباقي الّا يعتبرهم عشيره
الياعطاه العلج رفسه بالاقدام=يقول سامح جعل بالامر خيره!
ومشايخٍ تفتي بتحليل الاجرام=صارولنا علّة نحر مستطيره
بالكذب والخدعه وتزوير الاحكام=امسوا بديره والحقايق بديره
مروّجين العولمه عبر الاعلام=لو نتّبعهم ورّدونا السعيره
مفهومهم دايم وهو عكس الافهام=(ذروة سنام الدين بدعه خطيره)!!
(ذروة سنام الدين) ياحمر الانعام=عزّ وشرف ماهو جرايم حقيره
مار امرحوا واستانسوا عدّة ايام=وكلٍٍّ على ماقيل يلقا مصيره