~دوام الحال من المحال حكمه وقالوها زمان ~

**ماني مثل غيري** · 12-04-11, 03:32 AM

~دوام الحال من المحال حكمه وقالوها زمان ~

السلام عليكم ورحمة الله وبركاته
~دوام الحال المحال حكمه وقالوها

دوام الحال من المحال حكمه وقالوها زمان
هذي هي الدنيا تغيّر كل يوم وكل ليل

وايضا وقد قالوا (ترى مابه على الدنيا ضمان)
يالادمي طبع الدهر مابين عدل وبين ميل

يالله سألتك يالولي يامعطي الأم الحنان
يامنقذ ذا النون يارب البريه يا وكيل

انته رجاء الملهوف وانته راحته وانت الامان
وانته ملاذ الخايف اللي خاضع لوجهك ذليل

يالله تغفر زلتي وتبدل السيه احسان
مالي سواك ادعيه يوم القلب ضاق به السبيل

طفت الأماكن كلها والحال فيها الهم بان
وانت الوحيد المُطّلع وشلون لهمومي اشيل

بين الأمل والياس دمعي سال من وسط العيان
وانا مسلّم بالقدر وادعيك يالله الجليل

شكواي لك ياخالقي والشكوه لغيرك هوان
ارفع يديني واطلبك مافيه شيٍ مستحيل

افرج هموم بالحشا غطت على كل المكان
ماعاد للبسمه مجال ولاش للدمعه بديل

بامرك وأمرك ياولي ان قلت كان يكون كان
ياراعي الجود السخي منته بمداتك بخيل

الشاعر متعب العتيبي